Чомчоев Анатолий Игнатьевич

Чомчоев Анатолий Игнатьевич — аармыйа эпиһиэрэ (1969-1990 сс.), полковник, Чернобыль саахалын ликвидатора, учуонай, Ил Түмэн бастакы ыҥырыытын дьокутаата, Үөһээ Бүлүү улууһун баһылыга (1992 с.), СӨ Гражданскай оборуонаҕа судаарыстыбаннай кэмитиэтин бэрэстээтэлэ (1992-1994 сс.)

1951 с. балаҕан ыйын 5 күнүгэр Үөһээ Бүлүү оройуонугар Далыр нэһилиэгэр төрөөбүт.

Уһук Илиннээҕи үрдүкү общевойсковой хамандыырдар училищеларын, М.В.Фрунзе аатынан байыаннай акадьыамыйаны, Гражданскай көмүскэл акадьыамыйатын бүтэрбит.

1969-1990 сс. аармыйаҕа сулууспа.

1990-1991 сс. СӨ Үрдүкү Сэбиэтин социальнай хайысхаҕа уонна экэниэмикэҕэ отделын сүрүннүүр испэсэлииһэ.

1991-1992 сс. ЯНЦ СО РАН экэниэмикэ институтун аҕа билим үлэһитэ.

1992 сыллаахха Үөһээ Бүлүү улууһун баһылыга.

1992-1994 сс. СӨ Гражданскай оборуонаҕа Судаарыстыбаннай кэмитиэтин бэрэстээтэлэ.

1993 сыл ахсынньы 12 күнүгэр Ил Түмэн бастакы ыҥыырытыгар №5 Орто Бүлүү уокуругуттан дьокутаатынан талыллыбыта. Ил Түмэн Бэрэстэбиитэллэрин балаататын аграрнай реформаҕа, сир бэлиитикэтигэр, хостонор баайдарга уонна экологияҕа кэмитиэтин бэрэстээтэлинэн талыллан үлэлээбитэ (1997 сыл ахсынньы 28 күнүгэр диэри).

Наҕараадалара

«ССРС Сэбилэниилээх Күүстэригэр эҥкилэ суох сулууспатын иһин» мэтээл I, II уонна III истиэпэннэрэ