Чойдоон Уйбаан

Бикипиэдьийэ диэн сиртэн ылыллыбыт
Перейти к навигации Перейти к поиску

Уйбаан Сиидэрэп-Чойдоон Уйбаан - Куоллара эҥээргэ күүстээҕинэн биллибит киһи.

Кэпсииллэринэн, биир баайдыын мөккүспүттэр муустаах чаанньык оргуйуор диэри кыстык маспын кэрдиэм диэн. Кыайардыы кэрдибит уонна сүгэтин бырахпыта хаары уулларбыта үһү. Уола Хонооһой Сиидэрэп-Моркутуоп эмиэ күүстээх киһи. Таҥара дьиэтигэр куучардыы сылдьан боруода аттары илин атахтарыттан үөһэ анньа оонньуур эбит. Сааһыран баран дьиэ туттарыгар маһын соҕотоҕун сүөкээбитэ кэпсэнэр. Бу аймахха күүстээх удьуору утумнаабыттар тустууга спорт маастара Василий Сидоров, хапсаҕайга спорт маастара Семен Сидоров, ыарахан ыйааһыҥҥа тустууга маастарга кандидат Сергей Попов, спорт маастара Аполлон Попов[1].

Быһаарыылар[уларыт | биики-тиэкиһи уларытыы]

  1. Нэһилиэгим нэһилиэстибэтэ. Родионов К.К., Көмүөл, Дьокуускай, 2010