Хоҥор хаас

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Хоҥор хаас күһүн Өлүөхүмэҕэ (2013 сыл)
Anser fabalis

Хоҥор хаас (нуучч. гуменник) — бөдөҥ көтөр. Хаастыҥылар этэрээттэрин Хаастар биистэрин уустарыгар киирэр Саха Сиригэр үөскүүр 4 көрүҥтэн биирдэстэрэ.

Кытарымтыйан көстөр болоорхой эбириэн өҥнөөх. Тумса хара, ортотунан саһархай сурааһыннаах. Тыһыта атыырынааҕар арыый кыра, ол гынан баран өҥүнэн уратыта суох. Ыйааһына 2,5 киилэттэно 4,5 тиийэ буолар, ардыгар оннооҕор да улахан.

Тарҕаныыта[уларыт | биики-тиэкиһи уларытыы]

Хоҥор Евразия туундаратыгар, тайҕатыгар Гренладияттан Уһук Илиҥҥэ диэри олохсуйар. Орто Европа уонна Азия байҕалларын кытылларыгар, Хара уонна Средиземнэй байҕалларга, Орто Азияҕа, Японияҕа уонна соҕуруулуу-илин Кытайга кыстыыр.

Хоҥор ууга оччо баайыллыбатах көтөр. Күнүһүн хонууга сороҕор ууттан тэйиччи мэччийэллэр, киэһэ эрэ ууга төннөллөр. Сиргэ үчүгэйдик хаамаллар уонна түргэнник сүүрэллэр.

Өссө маны көр[уларыт | биики-тиэкиһи уларытыы]