Хонорой

Бикипиэдьийэ диэн сиртэн ылыллыбыт

Хоҥорой — киhи аатынан ааттаммыт күөл.

Былыр Хоҥорой диэн тоҥус хоhууна олорбут. Эмээхсиннээх, соҕотох кыыстаах. Биирдэ Бүлүү атыыhыта быстаран, кинилэргэ тиийэн кэлбит. Атыыhыт көрдөгүнэ баhыттан атаҕар диэри маҥан таба тириитэ таҥастаах киhи туруору сыыры өрө күүрэн тахсыбыт. Атыыhыт ол киhини батыhан үөhэ тахсыбыта ураhа турар үhү. Аҕыйах хонукка хонон-өрөөн ааҺарыгар атыыhыт дьиэлээх киҺиттэн киҺиттэн көрдөспүт. Хоҥорой атыыҺыкка эппит: "Мин биир сорудахпын толорор буоллаххына". Атыыhыт толоруох буолан тылын биэрбит. Сотору соҕус буолан, Хоҥорой сорудаҕын эппит: "Аҕам өлбүт күнэ тиийэн кэллэ, онон миигин өлөрүөхтээххин уонна көмүөхтээххин". БаҺыттан атаҕар диэри маҥан таба тириитэ таҥаҺы кэппит, маҥан табаны көлүммүт уонна олордубутунан эппит. АтыыҺыт Хоҥорой эппитин курдук толорбут.

Онтон ыла үҺүйээн кэпсээн баар буолбут. Дьааҥынан, Лииндэнэн, Баахынайынан маҥан табалаах, таба тирии таҥастаах айаннаан,тыаҺаан ааҺарын көрөллөр уҺү. Хоҥорой хоҺуун сылдьар диэн кэпсииллэр.

Андреев Семен Николаевич-Хатарча Сэмэн ахтыыта "Эдьигэээн улууҺа.Лииндэ нэҺилиэгэ." 2009 сыл Софронова М.Д.