Хатыҥнаах
Хатыҥнаах нэһилиэк. Орто Халыма улууһун нэһилиэгэ, киинэ Хатыҥнаах.
Улуус кииниттэн 64 км соҕуруулуу-арҕаа диэки сытар.
Нэһилиэнньэтин ахсаана 293 киһи (2007 сыл). Халымаҕа нэһилиэктэр үөскүөхтэриттэн ыла II Байды, 1945 сылтан Байды нэһилиэгэ диэн ааттанара. Билиҥҥи аата 1967 сыл ахсынньы 6 күнүттэн саҥа сельсовет тэрээһин сессиятынан иҥэриллибитэ.
Нэһилиэктэн төрүттээхтэр[уларыт | биики-тиэкиһи уларытыы]
- 1937 сыллаахха Роббек Василий Афанасьевич төрөөбүтэ - СӨ НА академига, филологическай наука доктора, РФ наукатын үтүөлээх деятелэ, СӨ наукатын үтүөлээх деятелэ, Россия наукатын академиятын бэтэрээнэ, Хотугу норуоттар проблемаларын үөрэтэр институту төрүттээччи, Орто Халыма улууһун бочуоттаах гражданина.
- 1938 сыллаахха Роббек Василий Николаевич төрөөбүтэ - түүлээхсит, ССРС Государственнай премиятын лауреата
- 1947 сыллаахха Ульяна Алексеевна Винокурова төрөөбүтэ - Саха Сирин биллэр общественнай деятелэ, Орто Халыма улууһун бочуоттаах гражданина.
- 1947 сыллаахха Роббек Федор Ильич төрөөбүтэ - Саха Республикатын культуратын туйгуна, Хатыҥнаах нэһилиэгин бочуоттаах гражданина, самодеятельнай композитор.
Ылыллыбыт сирэ[уларыт | биики-тиэкиһи уларытыы]
Энциклопедия Якутии, М., 2000 г. Хатыҥнаах. Орто Халыма улууһа - Дьокуускай: Бичик, 2019