Харитонов Федор Иванович

Бикипиэдьийэ диэн сиртэн ылыллыбыт

Харитонов Федор Иванович - Атамай нэһилиэгин киһитэ, орто баай, инитинээн Дайылалыын Улуу Сыһыыга таҥара дьиэтин тутууга Аргунов диэн киһиэхэ төһүү буолбут дьон, ол кэнниттэн аккыырайга киирэн туруорсан сыаркап приходун оскуолатын арыттарбыт.

Соҕурууҥҥу Хартиновтартан утум тардар. Элбэх оҕолоох. Оҕолорун барыларын арыттарбыт оскуолатыгар үөрэттэрбит. Улахан уола Баһылай Дьокуускайга реальнай училищеҕа үөрэммит, VI кылааска үөрэнэ сырыттаҕына нэһилиэккэ суруксут оҥостоору ыҥыран ылбыттар, онон бүтэрбэтэх.

Федор Иванович биир уолун уола сахалартан филологияҕа бастакы билим дуоктара Лука Никифорович Харитонов, оттон кыра кыыһа Мария Федоровна - Хатырыкка Охлопков диэн ыалга кийиитинэн баран Максим Аммосовтыын алтыспыт дьахтар. Кэлин уопсастыбаннай үлэҕэ кыттан бэйэтин дьиэтигэр ликбез арыйбыта, улахан дьону сурукка-бичиккэ үөрэппитэ. Мария Федоровна иккис кэргэниттэн кыыһа Мария Кузьминична Гаврилова - биллиилээх климатолог-учуонай[1].

  1. Айыы Далбар Хотуна. Иккис кинигэ. Н.И. Протопопова. Дь. Бичик, 2001, 16-27 сс.