Харитонов Савва Прокопьевич

Бикипиэдьийэ диэн сиртэн ылыллыбыт

Харитонов Савва ПрокопьевичСаха АССР үтүөлээх учуутала, тылбаасчыт, эрэдээктэр.

Олоҕун олуктара[уларыт | биики-тиэкиһи уларытыы]

1901 с. атырдьах ыйын 6 (19) к. Томпо оройуонун III Байаҕантай нэһилиэгэр төрөөбүтэ. 1909-1912 сс. Кириэс-Халдьаайы оскуолатыгар үөрэммит, икки сыл Дьокуускайдааҕы реальнай училищеҕа үөрэммит. 1923-1927 сс. учууталлаабыт. 1925 с. Кириэс-Халдьаайы орто оскуолатыгар бастакы комсомольскай ячейканы тэрийэр. 1927-1928 сс. Дьокуускай уобаластааҕы сэбиэскэй партийнай оскуолаҕа үлэлиир. 1928 с. бжс ыйыттан ЯЦМК комиссариатын чилиэн-сэкирэтээрэ. 1929-1932 сс. "Кыым"хаһыат эрэдээктэринэн, онтон сүрүн эрэдээктэринэн үлэлиир. 1938 с. А.С.Пушкин аатынан Дьокуускай судаарыстыбыннай бибэлэтиэкэҕэ библиографтыыр. 1937-1938 сс. Мэҥэ-Хаҥалас Хаптаҕай сэттэ кылаастаах оскуолатыгар учууталлыыр. 1940-1943 сс. Дьокуускай госиздатыгар эрэдээктэрдиир. Ону таһынан, нуучча тылын уонна литэрэтиирэтин учууталынан үлэлиир, 1961 с. биэнсийэҕэ тахсар.

Айар үлэтэ[уларыт | биики-тиэкиһи уларытыы]

М.Е.Салтыков-Щедрин "Бэрт муударай ылбай", А.П.Чехов "Эһэ", марксизм-ленинизм айымньыларын тылбаастаабыт

Г.С.Тарскайдыын, П.А.Ойуунускайдыын "Русско-якутский термино-орфографический словарь" диэн бөдөҥ научнай үлэни суруйсубута.

Наҕараадалара[уларыт | биики-тиэкиһи уларытыы]

"За доблестный труд в Великой Отечественной войне 1941-1945 гг." мэдээл

Сигэлэр[уларыт | биики-тиэкиһи уларытыы]

Е.И.Колесова. Историю делают люди. Якутск: Дани-Алмас, 2019