Халыып:Саҥа ыстатыйалар тиһиликтэрэ
Сардаана Владимировна Авксентьева (02.07.1970) – Дьокуускай куорат баһылыга, Россия политига, түмсүү уонна судаарыстыба үлэһитэ. Сардаана Владимировна Авксентьева Саха сиригэр Чурапчы улууһугар от ыйын 2 күнүгэр 1970 сыллаахха төрөөбүтэ. Историяны уонна юриспруденцияны тэҥинэн үөрэтэр хайысхалаах Сахалыы судаарыстыбаннай университетка «История учуутала» диэн специальностька үөрэнэн 1993 сыллаахха бүтэрбитэ. 1998 сыллаахха судаарыстыбаннай сулууспа Дальневосточнай академиятын «Судаарыстыбанан салайыы» диэн специальностька үөрэммитэ. Маҥнайгы үлэтин Дьокуускайдааҕы ВЛКСМ Өктөөп оройуоннай кэмитиэтигэр саҕалаабыта. 1993-1996 сылларга эдэр ыччат, спорт, эт-хаан сайдыытын, физическэй култуура дьыалаларыгар Дьокуускайдааҕы дьаһалта тэрилтэтигэр специалиһинэн үлэлээбитэ. 1996 сыллаахха эдэр ыччат, туризм, Саха сиринээҕи спорт, эт-хаан сайдыытын, физическэй култуура Республика норуотун хаһаайыстыбатын тустаах салаатын үрдүкү учреждениетыгар сүрүн специалиһинэн, начальнигынан үлэлииргэ көспүтэ. 1998 сылтан саҕалаан 2000 сылга диэри «Саха» Национальнай вещательнай компанияҕа каадарабай түмсүү начальнигынан үлэлээбитэ. 2000 сылга Сардаана Владимировна Россиятааҕы Судаарыстыбаннай Дума депутатын Виталий Николаевич Басыгысов көмөлөһөөччүтүнэн ылыллыбыта. 2004-2007 сылларга ОАО «Туймаада Даймонд» компанияҕа генеральнай директор солбуйааччытынан, онтон 2007-2012 сылларга Дьокуускай куорат баһылыгын солбуйааччытынан үлэлээбитэ. 2012 сылга Дьокуускайдааҕы аэропорт «Аэроторгсервис» оҥорон таһаарар коммерческай комплекс директора буолбута. 2018 сылга балаҕан ыйыгар Дьокуускай куорат баһылыгын талыы быыбарыгар элбэх куолас ылан кыайбыта. Сардаана Владимировна ханнык даҕаны общественнай түмсүүгэ киирсибэт. Быыбарга «Единай Россия» партия претендентын (31,70%), 39,98% куолаһы ылан кыайыылаах тахсыбыта. Баһылык үлэтин саҕалаан бастакы ыйдарга Сардаана Владимировна судаарыстыба бюджетын харчытын сиэбит сыаналаах джип массыыналары атыыга туруорбута, уулуссаларга олбуору көрөр, ыраастыыр үлэһиттэри баар оҥорбута, суолу оҥорооһун холтуура үлэни туппатаҕа уо.д.а. Билиҥҥи кэмҥэ Дьокуускай куорат баһылыгынан ситиһиилээхтик үлэлии сылдьар.
