Хайаах хопто

Бикипиэдьийэ диэн сиртэн ылыллыбыт
Nesting Herring Gull.jpg

Хайаах хопто (лат. Larus argentatus, нууч. серебристая чайка) — хоптолор уустарыгар киирэр көтөр.

Атыыра кынатын уһуна 435-467 мм кэриҥэ, тыһыта - 405-433. Ыйааһына 1000-1800 г буолар. Түүтэ үрүҥ, кынатын үөһээ өттө — бороҥ, кынатын төбөтө хара. Тумса араҕас, атахтара араҥас эбэтэр роза өҥнөөхтөр. Эдэр көтөрдөр бороҥнуҥулар, аллараа өттүлэрэ сырдык соҕус. Тыһыта атыыра тас көрүҥнэринэн уратылара суох[1].

Тарҕаныыта[уларыт | биики-тиэкиһи уларытыы]

Хайаах хопто туундараҕа, үксүн муоралар кытылларыгар олохсуйар, континент иһинээҕи ууларга ааһан иһэн баар буолар.


Аһылыга[уларыт | биики-тиэкиһи уларытыы]

Бастатан туран балык аһылыктаах. Өссө араас үөнүнэн-көйүүрүнэн, үүнээйинэн, кыра кэрбээччилэринэн, атын көтөрдөр оҕолорунан уонна сымыыттарынан аһылыктанар.


Ууһааһына[уларыт | биики-тиэкиһи уларытыы]

5-6 сааһыгар ууһуур кыахтанар. Бэс ыйыттан сымыыттыыр. Уу кытыытыгар холуонньаларынан эбэтэр пааралаһан олорор. Уйатын кураанах сыгынньах сиргэ, сыыр эниэтигэр отунан-маһынан туттар. Уйаҕа 1-4 сымыыттаах буолар. Сымыыты атыыр эмиэ баттаһар. 26-тэн 29-с күнүгэр оҕолоро сымыыттан тахсаллар. Онтон 4-5 нэдиэлэнэн көтөр буолаллар.

Быһаарыылар[уларыт | биики-тиэкиһи уларытыы]

  1. Знаете ли вы птиц Якутии. Б.И. Сидоров, Бичик, 1999, ISBN 5-76-96-0956-7