Филиппов Иван Иванович
Филиппов Иван Иванович — СӨ тыатын хаһаайыстыбатын үтүөлээх үлэһитэ, Чурапчы улууһун Ытык олохтооҕо, Чурапчы улууһун Хайахсыт нэһилиэгин Ытык олохтооҕо.
Иван Иванович 1949 сыллаахха муус устар 9 күнүгэр Иван Кириллович уонна Дирия Прокопьевна Филипповтар дьиэ кэргэттэригэр төрөөбүт. Төрөппүттэрэ саастарын тухары колхуос үлэтигэр аҕата сайынын оттоон, кыһынын субан сүөһү көрүүтүгэр, ийэтэ доярканан үлэлээбиттэр. Уйбаан сэттэ оҕоттон алтыс оҕонон төрөөн баран соҕотоҕун тыыннаах хаалбыт. Атыттар тымныйыттан, куор ырыытыттан күн сириттэн арахпыттар. Хообоо диэн оҕо оргуйбут ууну тоҕо тардан, итиигэ буһан өлөөхтөөбүт. Онон Уйбаан элбэх оҕо сүтүктээх ыалга, төрөппүттэрин сылаас тапталларыгар угуттанан, мааныланан улааппыт оҕо буолар.
1996 — Эрилик-Эристиин аатынан колхоз Хайахсыттааҕы учаастагын биригэдьиирэ сылтан салайар үлэҕэ үктэммитэ.
1972 сыл күһүнүгэр Эрилик Эристиин аатынан холкуос салалтата эдэр, кэскиллээх үлэһити Дьокуускайдааҕы салайар кадрдары бэлэмниир техникумҥа үөрэххэ ыыппыта. Бу үөрэҕин 1975 сыллаахха атырдьах ыйыгар ситиһиилээхтик бүтэрэн төрөөбүт Хайахсытыгар биригэдьииринэн ананан үлэлии кэлбитэ
1976 кулун тутар ыйга Субуруускай аатынан совхоз Мырылатааҕы отделения тын управляющайа.
1979 сыллаахха кулун тутар ыйга партия райкомугар инструкторынан үлэҕэ анаабыттара уонна партия обкуомун направлениятын Хабаровскайдааҕы үрдүкү партийнай оскуолаҕа кэтэхтэн үөрэнэ киирбитэ.
1979 сыл күһүнүгэр тэриллибитэ сылтан эрэ ордубут «Чурапчы» совхозка партия райкомун бюротун рекомендациятынан рабочком бэрэссэдээтэлинэн талыллыбыта уонна бу дуоһунаска 1983 сылга диэри үлэлээбитэ.
1983 сыллаахха «Чурапчы» совхоз коммунистара Иван Иванович Филипповы биир санаанан партком секретарынан талбыттара.
1985 сылтан ССКП Чурапчытааҕы райкомун партийнай комиссиятын бэрэссэдээтэлинэн бигэргэммитэбыһыытынан чиэһинэйин, уопсай дьыалаҕа бэриниилээҕин дьэҥкэтик көрдөрбүтэ. Дьон сэргэ ортотугар тус бэйэтин аптарытыата улаатан испитэ.
1988 сыллаахха Карл маркс аатынан совхоз директорынан талыллар.
1991 сыллаахха Уйбаан Уйбаанабыс Новосибирскайга икки ыйдаах дириэктэрдэр курстарыгар баран үөрэнэн, баран саха сиригэр бастакынан 14 бааһынай хаһаайыстыбаны түмэр ассоциацияны тэрийэн, бэрэссэдээтэлинэн талыллар.
1997—2002 сс Хайахсыт нэһилиэгин баһылыгынан талыллар
2002—2005 сс Чурапчы улууһун баһылыгын тыа хаһаайыстыбатын боппуруостарыгар солбуйааччы, тыа хаһаайыстыбатын управлениятын начальнига.
2006—2010 сс Хайахсыт нэһилиэгин баһылыга. Уйбаан Уйбаанабыс Саха республикатын тыатын хаһаайыстыбатын үтүөлээх үлэһитэ, Хайахсыт нэһилиэгин уонна Чурапчы улууһун бочуоттаах олохтооҕо, «Үтүө дьыала хамсааһыныгар» үчүгэй үлэтин иһин знагынан, профсоюзнай хамсааһын 100 сылыгар юбилейнай мэтээлинэн наҕараадаламмыта. Маннык дьоннор баалларын тухары биһиги нэһилиэктэрбит, улууспут эстиэ-быстыа суоҕа диэн эрэл санаалаахпын.