Физиология

Физиология (мантан гир. φύσις — айылҕа уонна λόγος — билии) — тыыннаах харамай олоҕун үөрэтэр үөрэх, билим салаата. Нормальнай физиология олох харгыһа суох сайдыытын, харамай үөскээһиниттэн өлүөр дылы олоҕун процесстарын үөрэтэр, оттон патофизиология ыалдьыбыт организмнарга барар биология процесстарын чинчийэр.

Атыннык ыллахха физиология организм бүтүннүүтүн олоҕун (уопсай физиология), эбэтэр тус-туһунан систиэмэлэрин уонна процесстарын үөрэтэр билим салааларын холбоһуга буолар (холобур, килиэккэ физиологията, уорганнар физиологиялара чааһынай физиология салааларын быһыытынан көрүллүөхтэрин сөп). Физиология биирдиилээн организм сайдыытын уонна бэйэтин ис туругун салайыныытын сокуоннарын, айылҕаны кытта алтыһыытын механизмнарын үөрэтэр, арыйан көрдөрөр.

Тугу үөрэтэриттэн көрөн бу үөрэҕи өссө микроорганизмнар, тэллэйдэр, үүнээйилэр, харамайдар уонна киһи физиологиятыгар араарыахха сөп.