Феофанов Артур Егорович

Бикипиэдьийэ диэн сиртэн ылыллыбыт
Перейти к навигации Перейти к поиску

Артур Егорович Феофанов — чэпчэки атлетикаҕа сахалартан ССРС спордун бастакы маастара, СӨ үтүөлээх тренерэ, универсиадалар чөмпүйүөннэрэ, СӨ сүүрүүгэ араас дистанцияларга экс-рекордсмена.

Артур Егорович Феофанов Чурапчы улууһуттан төрүттээх. 1983—87 сс. СГУ педагогическай факультетын үөрэнэн бүтэрэн, Дьокуускайдааҕы 5 №-дээх оскуолаҕа физкультура учууталынан үлэлээбитэ.

1990—92 сс. СГУ физкультураҕа кафедратын ассистена, 1992—95 сс. ЯПУ-1 тренерэ, 1995 с. чэпчэки атлетикаҕа ШВСМ тренерэ, СӨ чэпчэки атлетикаҕа федерациятын толорооччу дириэктэрэ.

Ураалга, Сибииргэ, Уһук Илиҥҥэ, Орто Азияҕа, Казахстаҥҥа ыытыллыбыт студеннар Универсиадаларын, 1986 с. Пермҥэ 3000 м, 1987 с. Кемеровоҕа 5000 м, 1999 с. Алма-Атаҕа 10000 м сүүрүүлэргэ чөмпүйүөн буолбута.

1991 с. муус устар 21-с күнүгэр сахалартан бастакынан Калининградка ыытыллыбыт марафоҥҥа ССРС спордун маастарын нуорматын толорбута. 1992 с. Хабаровскайга, 1993 с. Владивостокка ыытыллыбыт 10000 м сүүрүүгэ Сибиир, Уһук Илин зоналарын чөмпүйүөнэ. 1992 с. Иркутскайга буолбут Бүтүн сойуустааҕы тыа сирин оонньууларыгар 5000 м сүүрүүгэ чөмпүйүөн, 1999 с. Москуба уобалаһыгар 50 км Арассыыйа чемпионатын үһүс призера буолбута.