Уһук Илиннээҕи судаарыстыбаннай физическэй култуура акадьыамыйата

Уһук Илиннээҕи судаарыстыбаннай физическэй култуура акадьыамыйата - Арассыыйаҕа Хабаровскай куоракка баар үрдүк үөрэх тэрилтэтэ.

Устуоруйата[уларыт | биики-тиэкиһи уларытыы]

1967 с. муус устар 21 күнүгэр ССРС МС уурааҕынан Хабаровскайдааҕы судаарыстыбаннай физичэскэй култуура института төрүттэммит.

Факультеттара[уларыт | биики-тиэкиһи уларытыы]

1. Тренерскай факультет

2. Педагогическай факультет

3. Физкультурнай-оздоровительнай факультет

4. Заочнай үөрэх факультета

5. Квалификацияны үрдэтии уонна хос идэҕэ бэлэмнэнии факультета.

Акадьыамыйаҕа Уһук Илиннээҕи бэдэрээлинэй уокурук физичэскэй култууратын эйгэтигэр, успуортугар уонна туризымыгар анаан үрдүк квалификациялаах үлэһиттэри бэлэмнииллэр. Акадьыамыйаҕа 106 преподаватель үлэлиир, ол иһигэр, 18 наука дуоктара уонна бэрэпиэссэр, 53 дассыан уонна наука хандьыдаата, 4 Арассыыйа үтүөлээх тренера, 3 АБ физичэскэй култууратын үтүөлээх үлэһитэ, 2 АБ үрдүкү оскуолатын үтүөлээх үлэһитэ бааллар. 1200 устудьуон дьарыктанар. Үрдүк үөрэх тэрилтэтин базатыгар Олимпийскай акадьыамыйа үлэлиир. Акадьыамыйа бэрэстэбиитэлистибэтэ Петроваловскай-Камчатскайга, Спасск-Дальняйга, Магадаҥҥа, Биробиджаҥҥа, Артемҥа бааллар. 45 сыл үлэлээбитин устата, 8000 үрдүк үөрэхтээх, 400-тэн тахса орто анал үөрэхтээх уонна 150-тан тахса научнай-педагогическай үлэһиттэри бэлэмнээбит. Акадьыамыйа нэһилиэнньэ олоҕо чөл буолуутугар успуорт үрдүк ситиһиилэрин аныгы технологияларын тарҕатар наука, успуорт уонна култуура эрэгийиэннээҕи киинэ буолар.