Урбаан

Бикипиэдьийэ диэн сиртэн ылыллыбыт
Перейти к навигации Перейти к поиску

Урбаантабаары эбэтэр өҥөнү оҥорон таһааран биитэр атыылаан барыс киллэринэр тиһиктээх үлэ көрүҥэ. Соругун ситээри урбаанньыт үбү-харчыны, нематериальнай активтары, бэйэтин үлэтин эбэтэр туораттан наймыласпыт үлэһиттэри туһанар. Бараабыт үбэ төннөн кэлэрин, барыс аҕаларын ким да мэктиэлээбэт. Онон урбаанньыт үбүн-харчытын сүтэрэр кутталлаах[1].

Барыһы тиһигин быспакка туһаайар бизнес- үлэ.

Нуучча тылыгар предпринимательство уонна бизнес тыл синоним быһыытынан туһаныллар, ол эрээри сороҕор араас суолталаах.

Рынок экономикатын усулуобуйатыгар экономика үлэтэ- хамнаһа үксэ бизнес көрүҥэ буолар, ол иһин бизнес экономика уонна социальнай сайдыы төрүтүнэн ааҕыллар.

Үлэһит ахсаанынан, бородууксуйаны оҥорон таһаарыы кээмэйэ, үлэлиир усулуобуйата кыра, орто уонна улахан бизнеһи араарар. Дьоҕус бизнес саамай маассабай буолар, онуоха хас биирдии бизнесмен рынокка кыра ыйааһыннаах. Быраабыла быһыытынан, бу биирдиилээн атыы- эргиэнинэн дьарыктанар дьоҕус тэрилтэ, өҥөнү оҥоруу биир уустаах бородууксуйаны оҥорон таһаарар. Сорох дойдуларга итинник бизнеһи өйүүр судаарыстыбаннай өйөбүл тиһигэ баар, тоҕо диэтэххэ кини намыһах дохуоттаах буолуутугар киэҥ дьарыктаах буолууну хааччыйар.

Бизнесмен бэйэтин активын капиталыгар кубулутарга, бэйэтин кыттыгаһыттан тутулуга суох дохуоттаныан баҕарар, бэйэтин тэрилтэтигэр салгыы үлэлиир кыахтаах эрээри, атын үлэҕэ көһөр кыахтаах.

Бизнес- идиэйэ-саҥа компания эбэтэр үлэлиир компанияҕа үлэ саҥа хайысхатын тутарга туһаныллыахтаах идея. Быраабыла курдук, бизнес- идеята харчыга атыыланар табаардары эбэтэр өҥөнү оҥорууга, бизнес- моделлары оҥорон таһаарыыга туһаайыллар.[2]

Примечания[уларыт | биики-тиэкиһи уларытыы]

Быһаарыылар[уларыт | биики-тиэкиһи уларытыы]