Уоттаах хайа

Уоттаах Хайа родовой община Николаев Лазарь Иванович Николаевтар дьиэ кэргэннэригэр 10-с оҕоннон төрөөбүтэ. Төрөппуттэрэ хотугу туундара көс олохтоох ыаллара - табаһыттар, аҕата Николаев Иван Прокопьевич бастыҥ үлэлээх биригэдьиир, Үлэ Кыһыл Знамя орден кавалера, ыстаадата оройуон, республика социалистическай куоталаһыыларын хас да төгүллээх кыайыылаахтара, коммунистическай үлэ ударнига этэ. Ийэта Сергеева Люция Лазаревна 10 о5ону төрөтөн «Герой ийэ» албан аатын сүкпүтэ. Билигин 28 сиэннээх, 33 хос сиэннээх. Ийэтэ билигин 80 саастаах да буоллар ковриктары тигэр, уолаттара бултаабыт кырсаларын - бөрөлөрүн тириилэриттэн сон, ыстаан, бөрө суорҕан, бөрө тыһыттан ыстаан, таба тыһыттан этэрбэстэри, унтуулары тигэр, кыһынын муус үрдүнэн балыктаһар. «Буолкалаах» диэн участокка 114005,88 га арендаҕа сирдээх. Ону тэҥэ сылгы иитиитинэн дьарыктанар. Хас сайын аайы кыраһыабай айылҕалаах Буолкалаах диэн сирдэригэр оҕолор, сиэннэр, хос сиэннэр көс олох эйгэтигэр, кыра эрдэхтэн үлэҕэ иитиллии, өбүгэлэр төрүт дьарыктарын балыктааһыҥҥа, бултка олох оскуолатын ааһаллар, айылҕа араас интириэһинэй көрүҥнэрин көрө-билэ, айылҕаны харыстыырга үөрэнэллэр. Сайын үтүөтүн сир астаан, бултанан туундара ыраас салгынынан тыынан, дуоһуйа сынньанан кэлэллэр. Килиэптэрин көмүү оһоххо бэйэлэрэ буһасталлар, балык хатарыналлар, кыһын кэтэр таҥастарын тиктэллэр. Оттукка таас чоҕу олорор сирдэрин хайатыттан бэйэлэрэ хостоноллор. Сирдэригэр куруутун сылдьаллар, төрүт дьарыктарын сөргүтэ тураллар.