Тылбаас тиэхиникэтэ

Тылбаас үлэтин сүһүөҕэ маннык:

1. Тиэкис ис хоһоонун өйдөө, көрүҥүн, истиилин быһаар.

2. Тылбаас сыалын-соругун толкуйдаа (целеполагание).

3. Тиэкис тылын ырытан көр, ыарахан тылы эрдэ тылбаастаа.

4. Этии туһаанын, кэпсиирэтин бул, тиибин быһаар (с.э., т.х.х.э, б.х.э.).

5. Этии тутулун быһаар: БУЧ, АОЧ, туһулуу, кыбытык тыл о.д.а.

6.Этии туһаанын, ону быһаарар тыллары тылбаастаа. Хас да быһаарыы оннун бул (үһүс Азия оҕолорун оонньуута - Азия оҕолорун үһүс оонньуута).

7. Этии кэпсиирэтин тылбаастаа. Кэпсиирэҕэ сыстар сиһилии, толоруу оннун бул (туһата суох энергияны ороскуоттаама - энергияны туһата суох ороскуоттаама).

8. Б.х.э. салаа чааһын оннун бул.

9. Тылбаас этиини бүтүннүү ааҕан, тылын, тыл сыһыарыытын, оннун чочуйан биэр (постпереводческое редактирование).

10. Тылбааһыҥ бүтүннүү төһө табыллыбытын таска ааҕан иһит.