Тыасытов Александр Афанасьевич
Тыасытов Александр Афанасьевич — 1948 сыллахха, Ньурба оройуонун, I Бордоҥ нэһилиэгин, марха өрүс сүнньүгэр сытар … учаастагар сүөһү иитиитинэн, булдунан дьарыктанар Афанасий Григорьевич Тыасытов кэргэнигэр төрөөбүтэ.
Маалыкайдааҕы орто оскуоланы бүтэрэн …[уларыт | биики-тиэкиһи уларытыы]
Кини олоҕун бүтүннүүтүн Саха сиригэр физкультураны уонна спорду сайыннарыыга анаата, бэйэтэ ордук боксаҕа үчүгэй ситиһиилэммитэ – ССРС спордун маастара, боксаҕа биллиилээх тренер буолбута. «Трудовые резервы» добровольнай спортивнай общество республиканскай советыгар 16 сыл устата бокса тренеринэн үлэлээбитэ, Ньурбатааҕы оҕо спортивнай оскуолатыгар, Саха государственнай университетыгар утумнаахтык үлэлээн элбэх үрдүк кылаастаах боксёрдары иитэн таһаарбыта, Олимпийскэй резервэ республикатааҕы училищетыгар директорынан тахсыылаахтык үлэлээбитэ.
Тус бэйэтэ боксаҕа республика чемпиона, Хабаровскай кыраайга уонна Львов куоракка ыытыллыбыт Бүтүн Союзтааҕы турнир кыайыылааҕа буолбута, тоҕус сыл устата Саха Республикатын боксаҕа федерациятын вице-президенинэн үлэлээбитэ, «Барҕарыы» фонда лауреата буолбута.
2002 сыллаахха Александр Афанасьевич Тыасытовка «Саха Республикатын үтүөлээх тренерэ» бочуоттаах аат иҥэриллибитэ.
 |
Бу киһи туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |