Трофимова Варвара Алексеевна
Трофимова Варвара Алексеевна (1949 с. ыам ыйын 18 күнэ, Күүкэй с., Сунтаар оройуона, Саха АССР)
Олоҕун олуктара[уларыт | биики-тиэкиһи уларытыы]
· 1949 с. ыам ыйын 18 күнүгэр Сунтаар улууһун Күүкэй бөһүөлэгэр төрөөбүтэ.
· 1968 с. Сиэйэ орто оскуолатын бүтэрбитэ, ол кэннэ Бүлүү педучилищетын бүтэрэн алын кылаас учууталын идэтин ылбыта.
· 1978-1987 сс. Кириэстээх орто оскуолатыгар старшай баһаатайынан ситиһиилээхтик үлэлээбитэ. Дружина Павлик Морозов аатын сүгэрэ. Бу сылларга тимуровскай хамсааһын күүскэ сайдыбыта. Оройуоӊӊа дружина үлэтэ үрдүк ситиһиилэрдээх буолан, “уӊа флангалаах дружина” аатын чиэстээхтик сүкпүттэрэ. Варвара Алексеевна пионер баһаатайдыыр кэмигэр элбэх оҕо Бүтүн Сойуустааҕы “Артек”, “Орлёнок”, “Океан” лааҕырдарыгар сынньанар чиэскэ тиксибиттэрэ. Баһаатайдар куурустарыгар “Орлёнок” лааҕырга үөрэнэ бара сылдьан инструктор буолан кэлбитэ.
· 1987-1990 сс. алта саастаах оҕолорго, оскуола иһинэн кылаас тэриллибитэ. Онно баспытааталынан, онтон 9 сыл алын сүһүөххэ учууталынан үлэлээбитэ.
· Үлэлиир сылларыгар кини үлэтэ сыаналанан “За активную работу с пионерами” уонна Комсомол киин комитетын бэлиэлэринэн наҕараадаламмыта.[1]
Быһаарыылар[уларыт | биики-тиэкиһи уларытыы]
- ↑ Таҥара дьиэтиттэн – мэндиэмэннээх таас оскуолаҕа Кириэстээх оскуолатын 122 сыллаах хардыыта / хомуйан оҥордо А.А.Мотосова. – Дьокуускай : Ю.А.Гагарин аатынан Саха Өрөспүүбүлүкэтин типографията, 2022. – 276 с.