Тимофеева Евдокия Герасимовна

Бикипиэдьийэ диэн сиртэн ылыллыбыт
Перейти к навигации Перейти к поиску

Тимофеева Евдокия Герасимовна — Норуот эмчитэ. Ньурба улууһугар Хорула Дэлбиргэ диэн сиргэ саха боростуой ыалыгар 1938 сыллаахха олунньу 15 күнүгэр төрөөбүтэ. Аҕата Тимофеев Герасим Николаевич, ийэтэ Семенова Федора Кирилловна диэн дьоннор этилэр. Дьэбдьиэй Акана анараа өттүгэр «Чкалов» колхозка улааппыта. Арыылаах диэн сиргэ олоро сылдьыбыттара. Ийэтэ сэттэ саастааҕар өлбүтэ. Икки кыыс хаалбыта. Аҕалара уонна эбэлэрэ (аҕаларын ийэтэ, төрдө Сата) иитэн киһи-хара оҥорбуттара.

Дьэбдьиэй 15 саастааҕыттан колхозка үлэлээбитэ, дьоно тиийиммэт буоланнар оскуолаҕа үөрэттэрбэтэхтэрэ. Ньурба улууһун Үөдэйиттэн төрүттээх Андреев Трофим Никифоровичка кэргэн тахсан 3 уол, 4 кыыс оҕоломмуттара.
1991 сыллаахтан Уйбаан Ороһуунускай сүбэтин ылынан кыралаан эмтээн барбыт. Саха Республикатын Норуотун эмчиттэрин ассоциациятыгар чилиэнинэн киирбитэ. Үгүс ыарыһах кини сылаас илиитин иһинэн ааһан архах буолбут ыарыыларыттан босхоломмутта.[төрүтэ ыйыллыбатах 1846 күн]

Үөһээ Бүлүү улууһун Оҥхойугар олорон ыам ыйын 19 күнүгэр 2007 сыллаахха өлбүтэ.