Татаардар (этноним)

Татаардар — аныгы татаардар, Кырыым татаардара уонна да сорох атын түүр омуктар бэйэлэрин тус ааттара. Волго-уральскай татаардар XVI үйэҕэ бу "татаардар" диэн тус ааты хайыы-үйэ туһаммыттара биллэр.

«Татаардар» диэн тиэрмин биһиги эрабыт 6-8 үйэлэригэр түүр уонна монгол омуктарыгар үөскээбитэ. «Татаардар» диэн тыл үгүс үйэтээҕи остуоруйатыгар этноним, политоним, соционим, конфессионим пуунсуйаларын субу-субу ылынара уонна сүтэрэрэ.