Тартыев Николай Васильевич

	Тартыев Николай Васильевич
Төрөөбүт күнэ	1922
Төрөөбүт сирэ	Орто Наахара, Ленскэй улууһа, Саха АССР
Өлбүт күнэ	1988
Өлбүт сирэ	Ленинск-Кузнецкай, ; Кемерово уобалаһа
Сулууспалаабыт дойдута	ССРС
Сулууспалаабыт сыллара	1941—1947
Солото	Старшай сержант Старший сержант
Кыргыһыылар/сэриилэр	Аҕа дойду Улуу сэриитэ

Тартыев Николай Васильевич (1922, Орто Наахара, Ленскэй улууһа —1988, Ленинск-Кузнейкай) — Аҕа дойду Улуу сэриитин кыттыылааҕа.

Олоҕун олуктара

1922 сыллаахха Ленскэй улууһугар Орто Наахараҕа бааһынай дьиэ кэргэнигэр төрөөбүт. 1941 сыллаахха нолуок хомуйар агенынан, ол кэннэ Ленскэй оройуонун үбүн салаатыгар үлэлээбит.

Кыһыл Аармыйаҕа 1942 сыллаахха бэс ыйыгар Өлүөхүмэ оройуонун военкоматынан ыҥырыллыбыт. 1942 сыл сэтинньититтэн фроҥҥа сэриилэспит.

Сэрии бүппүтүн кэннэ 1947 сыл ыам ыйыгар дылы Румынияҕа сулууспалаабыт. Дойдутугар Орто Наахараҕа нэһилиэк Сүбэтин бэрэссэдээтэлин эбээһинэһин толорооччунан үлэлээбит. Ол кэннэ ЫБСЛКС Ленскэй оройуонунааҕы комитетыгар тэрийэр салааҕа сэбиэдиссэйдээбит. 1949 сыллаахха ЫБСЛКС райкомун иккис секретарынан талыллыбыт. 1952 сылтан ССКП Ленскэй оройуонунааҕы комитетын араас салааларыгар үлэлээбит.

1960 сыл ахсынньытыгар «Томпо» совхоһугар партком секретарынан анаммыт. 1961 сыл атырдьах ыйыттан 1963 от ыйыгар дылы «Томпо» совхоһун директорын солбуйааччытынан үлэлээбит.

1963 сылтан Бүлүүгэ мясомолпром хонтуоратын директорынан анаммыт. 1967 сылтан райплан комиссиятын салайааччытынан, тутуу учаастагын, ПМК-1125 начальнигынан (1978 сылга дылы) үлэлээбит.

Биэнсийэҕэ тахсан баран ойоҕун дойдутугар Ленинск-Кузнецкай куоракка (Кемерово уобалаһа) олорбут, үс сыл «Октябрьская» шахтаҕа директор солбуйааччытынан үлэлээбит.

1988 сыллаахха өлбүт, Ленинск-Кузнецкайга көмүллүбүт.

Николай Васильевич Тартыев аатынан Бүлүүгэ уулусса ааттаммыт.

Наҕараадалара

Аҕа дойду сэриитин II ст. уордьана (06.04.1985)^[1]
«Бочуот Бэлиэтэ» уордьан
«Хорсунун иһин» мэтээл (16.05.1945)^[2]

Быһаарыылар

↑ Карточка награждённого к 40-летию Победы в электронном банке документов «Подвиг Народа»
↑ Наградные документы в электронном банке документов «Подвиг Народа»

Сигэлэр

Тартыева-Попова У. Его именем названа улица в Вилюйске // Забота Арчы : хаһыат. — 18.02.2010. — С. 5.

Бу киһи туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп.

[1] Карточка награждённого к 40-летию Победы в электронном банке документов «Подвиг Народа»

[2] Наградные документы в электронном банке документов «Подвиг Народа»

[1]

[2]