Тапирдар
Тапирдар (Tapirus) диэн Бүтэй туйахтаахтар аймахтарын Тапирдыҥылар кэргэннэрин соҕотох хаалбыт ууһа. Тапирдар тас көрүҥнэринэн кыратык чооскуларга майгынныыллар. Тапир дьүһүнүн уратыта диэн мурунуттан уонна үөһээ уоһуттан үүнэр хабар тумсуктаах. Тапир этин устата 2 метр, ыйааһына 110-300 кг. Олоҕун устата 25-30 сыл. Хаттааһынын болдьоҕо 13 ый, биир оҕону төрөтөр. 4 сылыгар сааһын ситэр. Тапир инники атахтара түөртүү тарбахтаахтар, кэлин атахтара үстүү тарбахтаахтар. Аһылыктара - сэбирдэх, фрукта, отон. Тапирдары ягуардар, эһэлэр, крокодиллар, анакондалар сииллэр. Тапирдар түүҥҥү кыыллар. Ойуурга уу аттыгар сылдьаллар. Үчүгэйдик харбыыллар. Тапир көрөрө мөлтөх, истэрэ уонна сыттыыра үчүгэй. Тапирдар Соҕуруу уонна Киин Америкаҕа олороллор, биир тапир көрүҥэ Соҕуруулуу-илин Азияҕа олорор (Малайа тапира).
Көрүҥнэрэ
[уларыт | биики-тиэкиһи уларытыы]- Бразилия тапира (Tapirus terrestris)
- Хайа тапира (Tapirus pinchaque)
- Киин Америка тапира (Tapirus bairdii)
- Малайа тапира (Tapirus indicus)
- Tapirus kabomani - 2013 сылга арыллыбыта.