Степанов Степан Егорович

Степанов Степан Егорович — Түргэн Бөҕө. Кырыкый нэһилиэгиттэн улууска, республикаҕа бастакынан биллибит, «хапсаҕай» тустуу маастара. Улуус чиэһин элбэхтэ көмүскээбит, республикаҕа 4 төгүл, Бүлүү сүнньүгэр 5 төгүл бастаабыт, республика чиэһин хуреш тустууга Сибиир уонна Дальнай Восток күрэхтэригэр көмүскээн 2 төгүл бастаабыт Саха Сиригэр киэҥник биллибит тустуук. Саха биир аатырар бөҕөһө Степанов Василий Иннокентьевич-Буучугурас Бөҕө туттар албаһын киэҥ араҥаҕа, аан дойдуга «Түргэннээһин» диэнинэн биллибит хапсаҕай албаһын тарҕаппыт тустуугунан буолар. Бу албаһы туттан утарсааччыларын кэбирэхтик, түргэнник охторорун иһин норуот «Түргэн Бөҕө» диэн ааттаабыт.

Үөһээ Бүлүү өҥ буоруттан... / СР «Үөһээ Бүлүү» (оройуона) муниц. тэриллии дьаһалтата, Үөһээ Бүлүүтээҕи кыраайы үөрэтэр салаата хомуйан оҥордулар : О.Д.Федорова, Г.А.Саввинова]. – Дьокуускай, 2012. – С. – 190-215