Степанова Татьяна Николаевна

Степанова Татьяна Николаевна өр сылларга ырыаны олоҕун аргыһа оностон "Сыана бэтэрээнэ" аатын ылбыта. Кини "Герой Фёдор Кузьмич Попов" төрөөбүт, элбэх талааннаах ырыаһыттарынан биллибит Мэҥэ-Ханалас улууһун Сыымах нэһилиэгэр Санниковтар дьиэ кэргэннэригэр төрөөбүтэ. Татьяна Николаевна айылҕаттан бэриллибит чуор куоластааах, онон оҕо эрдэҕиттэн дьон сөбүлээн истэр ырыаһыта буолбута.

Ол курдук ордук табыллан, собүлээн ыллыыр ырыаларынан ааттыахха сөп: Иннокентий Сосин тылларыгар, Христофор Максимов мелодиятыгар "Биригэдьиир Марыына", Эллэй тылларыгар Ольга Иванова мелодиятыгар "Таптыа5ын ийэни", Роман Атласов тылларыгар, Христофор Максимов мелодиятыгар "Эйэ холууба", Иван Сысолятин тылларыгар, Валерий Ноев мелодиятыгар "Кыракый уолчааным", Валерий Ноев тылларыгар, мелодиятыгар "Кыракый кыысчааным" о.д.а.

Татьяна Николаевна кэргэнэ, Степанов Иннокентий Иннокентьевич "Аҕа дойду улуу сэриитин" кыттыылааҕа эмиэ олус үчүгэйдик үнкүүлүүрэ, мандалина5а оонньуура эбитэ үһү. Татьяна Николаевна быраата билигин Горнайна олорор, биллэр мелодист Данил Санников баар. Тастын балта эмиэ киэнник биллибит Саха Өрөспүүбүлүкэтин культууратын үтүөлээх үлэһитэ, Саха Өрөспүүбүлүкэтин народнай артыыһа, самодеятельнай композитор Анастасия Николаевна Варламова "Эдьиий Настааны" ааттыахха сөп. Татьяна Николаевна улахан оҕото Иннокентий Иннокентьевич ийэтин удьуордаан, Өрөспүүбүлүкэ, Россия араас куораттарыгар, омук дойдуларыгар киэнник биллибит Мэнэ-Ханалас Тара5ай нэһилиэгин "Нэһилиэк культуурнай киинин" иһинэн тэриллибит "Төлөн" эр-дьон народнай вокальнай ансамбль ырыаһыта. Татьяна Николаевна сиэнэ Надя, Музыка урдуку оскуолатын бутэрэн Москвага консерваторияга уерэнэр, кларнет инструменна оонньуур. Кыра уола Николай 5 сааһыттан гармошкаҕа оонньоон сыанаттан туспэт эбит.Ол курдук оскуолаҕа үөрэнэр сылларыгар биир интэриэстээх оҕолору кытары ВИА тэриммиттэр.Онно кини солист, гитарист быьыытынан уонна ударнай инструменнарга оонньообут. Онтон оскуоланы бүтэрэн Дьокуускайдаагы 2-с нүөмэрдээх музыкальнай отделениетыгар үөрэнэн 1994 бутэрбитэ. Онтон музыка учууталынан Мэнэ-Ханалас спортивнай лицейыгар үлэлээбитэ.Кини билигин даганы ийэтин удьуордаан баянна, гитараҕа оонньуурун, ыллыырын себүлүүр. Бэйэтэ ырыа суруйар, мелодиятын айар.