Степанова Дария Хрисанфовна

Степанова Дария Хрисанфовна (ахсынньы 31 күнүгэр 1930 с. - 1982 с.), РФ үөрэҕириитин туйгуна, методист-учуутал.

Олоҕун олуктара

Степанова Дария Хрисанфовна ахсынньы 31 күнүгэр 1930 сыллаахха Чакыр нэһилиэгэр төрөөбүтэ. Педагогическай үлэтин 1952 сылтан Сунтаар орто оскуолатыгар ыстаарсай пионербаһаатайынан саҕалаабыта. 1955 сыллааха Бордоҥ 7 кылаастаах оскуолатыгар саха тылын, литературатын учууталынан үлэлээбитэ. 1956 сыллаахха Дьаархан 7 кылаастаах оскуолатын дириэктэринэн анаммыта, 1960 сыллаахха Күндэйэ начаалынай оскуолатын сэбиэдиссэйинэн, 1961сыллаахха оройуоннааөы үөрэҕирии салаатыгар методическай кэбиниэт сэбиэдиссэйинэн үлэлээбитэ. 1969-1982 сылларга Күндэйэ 8 кылаастаах оскуолатыгар саха тылын уонна литературатын учууталынан үлэлээбитэ. Дария Хрисафовна Күндэйэ оскуолатыгар үөрэх кэбиниэттэрин тэрийээччинэн буолбута, Бииргэ төрөөбүт балта Степанова Капитолина Хрисанфовналыын көҕүлээһиннэринэн 1963 сыллаахха Күндэйэ 8 кылаастаах оскуолата тутуллан үлэҕэ киирбитэ. 1968 сыллаахха Саха сирин учууталларын VII съеһигэр делегатынан талыллан онно бара сылдьыбыта. Кини үлэтин уопутун билсэ-көрсө Саха сирин араас муннуктарыттан учууталлар хаста да кэлэ сылдьыбыта, ити тиэмэнэн дакылаатын иһин РСФСР үөрэҕириитин министерствотын Бочуотунай грамотатынан наҕараадаламмыта. Маны таһынан, Дария Хрисанфовна нэһилиэк бастакы мецената этэ: устудьуоннарга, нэһилиэк кыаммат араҥатыгар үбүнэн көмөлөһөр этэ.

1982 сыллаахха эмискэ ыалдьан орто дойдуга суох буолбута.^[1] ^[2]

Наҕараадалара, ааттара

1. 1968 с. – Саха сирин учууталларын VII съеһигэр делегат.

2. 1970 с. – «Методист-учуутал»

3. 1993 с. – РФ үөрэҕириитин туйгуна.^[2]^[1]

Аатын үйэтитии

1. Степанова Д.Х. аатынан стипендия.

Сигэлэр

↑ ^1,0 ^1,1 Назаров, И.Т., Алексеев, Н.И. Сунтаар улууһугар үөрэҕирии сайдыыта / И.Т. Назаров, Н.И. Алексеев. – Сунтаар, 2006. – 279 с.
↑ ^2,0 ^2,1 Күн тахсан сөтүөлүүр сиригэр, Күндэйэм үтүөкэн сиригэр мин таптыыр оскуолам дьэндэйэр, ыччатын үөрэтэн көтүтэр. . Хомуйан оҥордулар: М.Н. Иванова, А.П. Максимова, С.Е. Саввинова, Т.И. Андреева [уо.д.а.]. Дьокуускай, Сахабэчээт, 2019. – 336 с.

[:0-1] 1,0 ^1,1 Назаров, И.Т., Алексеев, Н.И. Сунтаар улууһугар үөрэҕирии сайдыыта / И.Т. Назаров, Н.И. Алексеев. – Сунтаар, 2006. – 279 с.

[:1-2] 2,0 ^2,1 Күн тахсан сөтүөлүүр сиригэр, Күндэйэм үтүөкэн сиригэр мин таптыыр оскуолам дьэндэйэр, ыччатын үөрэтэн көтүтэр. . Хомуйан оҥордулар: М.Н. Иванова, А.П. Максимова, С.Е. Саввинова, Т.И. Андреева [уо.д.а.]. Дьокуускай, Сахабэчээт, 2019. – 336 с.

[1]

[2]