Сибэтиэй Ньукуола кириэппэһэ

Бикипиэдьийэ диэн сиртэн ылыллыбыт
Перейти к навигации Перейти к поиску

Сибэтиэй Ньукуола кириэппэһэ (хорв. Tvrđava Sv. Nikole) — Хорватия Адриатика кытылыгар турар Шибеник куоратыгар баар кириэппэс. ЮНЕСКО бу тутууну Аан дойду Утумун испииһэгэр «Венеция 15-17 үйэлэргэ туппут көмүскэнэр тутуулара: Stato da Terra — арҕаа Stato da mar» комплекс иһинэн 2017 сыллаахха киллэрбитэ.

Шибеник куоракка түөрт кириэппэс баар:

  • Сибэтиэй Ньукуола кириэппэһэ (Tvrđava Sv. Nikole)
  • Сибэтийэ Михаил кириэппэһэ (Tvrđava Sv. Mihovila)
  • Сибэтиэй Иоанн кириэппэһэ (Tvrđava Sv. Ivana)
  • Шубичевац кириэппэс.

Сибэтиэй Ньукуола кириэппэһэ Шибеник пуордугар киириигэ байҕал арыытыгар турар, атыттар кытылга бааллар.

Сибэтиэй Ньукуола кириэппэһэ Сибэтиэй Антоний ханаалын хаҥас өттүгэр Люлевац арыыга тутуллубут. Арыы утары Джадрия кумаҕын майаага турар. Аатын бенедиктииннэр манастыырдарыттан утумнаабыт, бу манастыыры кириэппэс туталларыгар көһөрбүттэр. Олохтоох хорвааттар көрдөһүүлэринэн Алоджий де Канал хапытаан форту Люлевац арыыга тутары 1525 сыллаахха муус устар 30 күнүгэр саҕалаабыт. Кириэппэһи Венеция биллэр архитектора Hyeronimus di San Michaela туппут. Анала — туурак хараабылларын пуорка киллэрбэт буолуу. Кириэппэс 32 тэргэннээҕэ.