Сибиирдээҕи судаарыстыбаннай мэдиссиинэ университета

Бикипиэдьийэ диэн сиртэн ылыллыбыт

Сибиирдээҕи судаарыстыбаннай мэдиссиинэ университета

Томскай куоракка баар Арассыыйа Бэдэрээссийэтин доруобуйа харыстабылын министиэристибэтин "Сибиирдээҕи судаарыстыбаннай мэдиссиинэ университета" бэдэрээлинэй судаарыстыбаннай бүддьүөттэн үбүлэнэр үрдүк үөрэх тэрилтэтэ.

1930 с. Томскайдааҕы мэдиссиинэ института диэн төрүттэммит. 1938 с.сэтинньи 16 күнүттэн 1962 с.тохсунньу 15 күнүгэр диэри Томскайдааҕы В. М. Молотов аатынан мэдиссиинэ института диэн эбит. 2017 с. муус устар ыйтан эрэгийиэн тирэх университетынан буолбут.

Устуоруйата[уларыт | биики-тиэкиһи уларытыы]

Арассыыйа импэрээтэрэ Александр l 1888 с. соҕотох мэдиссиинискэй факультеттаах Томскайдааҕы Импэрээтэрискэй университеты арыйбыт. 1930 с.сэтинньи 5 күнүгэр РСФСР НКС 132 нүөмэрдээх уурааҕынан медфакультеты университеттан таһааран, Томскайдааҕы мэдиссиинэ институтун тэрийбит. 1967 с. Үлэ Кыһыл Знамята уордьанынан наҕараадаламмыт. 1992 с.олунньу 28 күнүгэр АБ Правительствота 388 нүөмэрдээх дьаһалынан Сибиирдээҕи судаарыстыбаннай мэдиссиинэ университетын статуһун биэрбит. Университет арыллыаҕыттан ыла 60000 быраастары уонна провизордары үөрэтэн таһаарбыт. Университет учуонайдарын уонна преподавателлэрин кыттыытынан Томскайга АМНА Сибиирдээҕи салаатыгар 4 НЧИ төрүттэммит Кардиология НЧИта Фармакология НЧИта Онкология НЧИта Медицинскэй генетика НЧИта Билиҥҥи кэмҥэ СибСМУга аллергическай ыарыылар иммуногенетикаларынан уонна иммуноэпидемиологияларынан, хаан систиэмэтин молекулярнай патофизиологиятынан уо.д.а. дьарыктанар 12 научнай оскуола үлэлиир.

Факультеттара[уларыт | биики-тиэкиһи уларытыы]

СибСМУга 8 факультет, 78 кафедра, 3 НЧИ, 7 диссипилиинэлэр ыккардыларынааҕы научнай-үөрэтэр кииннэр, 26 үөрэтэр-научнай лаборатория, НЧЛК, инфек.ыарыылары эмтиир Сибиирдээҕи Киин, элбэх профильлаах бас билэр клиникалар, үс анатомия түмэлэ, эрэгийиэҥҥэ бастыҥ улахан мэдиссиинискэй наука бибилэтиэкэтэ бааллар.

1. Лечебнай факультет 2. Педиатрическай факультет 3. Фармацевтическай факультет 4. Медико-биологическай факультет 5. Социальнай үлэ, клиническай психология уонна психотерапия факультета 6. Сиэстэрэ үрдүк үөрэҕин факультета 7. Экэниэмикэ уоннадоруобуйа харыстабылын салайыы факультета 8. Квалификацияны үрдэтии уона эбии испэсээлинэскэ бэлэмнэнии факультета

Рейтиннэрэ[уларыт | биики-тиэкиһи уларытыы]

2014 с. "Эксперт РА" агенство университеты СНГ бастыҥ үрдүк үөрэҕин испииһэгэр киллэрбит уонна рейтин "Д" кылааһын иҥэрбит. Үрдүк үөрэх тэрилтэлэрин, Москватааҕы, норуоттар ыккардыларынааҕы "Три миссии университета"-2020 рейтинин (2020 с. атырдьах ыйын 28 күнүгэр) таһаарбыт. Онно СибСМУ аан дойдутааҕы(97дойдуттан1500 ҮҮТ кыттыбыт) рейтиҥҥэ 901-1000, Арассыыйа ҮҮТ 34-41 миэстэҕэ баар. Норуоттар ыккардыларынааҕы инфбөлөх "Интерфакс" уонна "Эхо Москвы" радиостанция кыттыһан таһаарар Университеттар сыл аайы тахсар национальнай рейтиннэригэр, 2017 с. СибСМУ былырыыҥҥы көрдөрүүтүн 12 строкаанан тупсаран 77 миэстэ буолбут.

Ссылкалара[уларыт | биики-тиэкиһи уларытыы]

https://vuzopedia.ru/vuz/3446 https://www.riatomsk.ru/article/20170607/sibgmu-voshel-v-top-3-medicinskih-vuzov-rossii/ https://www.ssmu.ru/ru/news/archive/?id=1788 https://univer.expert/akademicheskiye-reytingi/rejting-medicinskih-vuzov-2019/ https://www.ssmu.ru/ru/