Саха өрөспүүбүлүкэтин олохтоох бырамыысыланнаһын министиэристибэтэ

Саха өрөспүүбүлүкэтин олохтоох бырамыысыланнаһын министиэристибэтэ (1934 сыллаахтан комиссариат быһыытанан төрүттэммит, 1992 сыллаахха суох буолбут) — Саха АССР-га, Саха ССР-га, Саха Өрөспүүбүлүкэтигэр олохтоох оҥорон таһаарыыны сүрүннүүр салалта уоргана.

Саха АССР Совнаркомун 1934 с. балаҕан ыйын 1 күнүгэр тахсыбыт уурааҕынан Олохтоох бырамыысыланнас народнай комиссариата (нууч. Народный комиссариат местной промышленности) диэн аатынан олохтоммута.

1953 сыл бэс ыйын 9 күнүгэр САССР Үрдүкү Сэбиэтин бөрөсүүдьүмүн ыйааҕынан Саха АССР олохтоох бырамыысыланнаһын министиэристибэтэ уонна Олохтоох оттук бырамыысыланнаһын управлениета холбоһон САССР олохтоох уонна оттуккка бырамыысыланнаһын министиэристибэтэ буолбуттара. 1963 сыллаахха Саха АССР Үрдүкү сэбиэтин бөрөсүүдьүмүн уурааҕынан суох гыныллыбыт, онтон 1966 сыллаахха эмиэ кини уурааҕынан тохсунньу 19 күнүгэр хат тэриллибит. 1988 сыллаахха РСФСР Миниистирдэрин сэбиэтин уурааҕынан РСФСР министэристибэтин территориальнай производственнай холбоһуга буолбут (23 тэрилтэттэн турар). Онтон 1991 сыллаахха Саха ССр сокуонунан эмиэ Олохтоох бырамыысыланнас министиэристибэтэ буолбут.