Рамсар конвенцията

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Рамсар конвенцията (ааҥл. The Convention on Wetlands of International Importance, especially as Waterfowl Habitat) толору аара: Аан дойдутааҕы таһымнаах уу көтөрө үөскүүр уулаах уонна бадарааннаах сирдэр туһунан конвенция, 1971 сыл олунньутугар Иран Рамсар куоратыгар ылыллыбыта, кэнники 1987 сыллаахха Канада Реджайна куоратыгар толоруллубута.

Экосистемалар биир көрүҥэр эбэтэр хабитатка анаан ылыллыбыт конвенция (хабитат — англ. habitat, биир эбэтэр хас да кыыл, көтөр үөскүүр эбэтэр олорор эйгэтэ). Холобура ойуур, ньулун уулаах күөллэр, бадарааннаах сирдэр хабитат буолухтарын сөп.

2010 сыл кулун тутар 26 күнүнээҕи туругунан конвенция чилиэннэринэн буолаллар 159 дойду, бу дойдулар территорияларыгар 1888 аан дойдутааҕы таһымнаах уу-бадараан сирдэрдээх, уопсай иэннэрэ 185 272 001 га. Ол иһигэр Саха сиригэр Аллайыаха улууһугар Кыталык эркээйи сирэ киирэр.

Кулун тутар 2 күнэ Аан дойдутааҕы уулаах-бадарааннаах сирдэр күннэрэ бэлиэтэнэр.

Сигэлэр[уларыт | биики-тиэкиһи уларытыы]