Прокопьев Александр Николаевич

Прокопьев Александр Николаевич — экономическай наука кандидата — 1945 сыллаахха бэс ыйын 8 күнүгэр төрөөбүтэ.

1963 сыллаахха Маалыкай орто оскуолатын бутэрбитэ. 1963-1965 сс. «Степан Васильев» колхозка үлэлээбитэ. 1965 сыллаахха Иркутскайдааҕы тыа хайаайыстыбатын институтун экономическай факультетын студена буолбута. Институту 1969 сыллаахха бутэрбитэ уонна ол сыл Тыа хайаайыстыбатын министиэристибэтэ Сунтаар оройуонугар «Элгээйи» совхоз главнай бухгалтерын солбуйааччытынан үлэҕэ анаабыта. Ити сыл Ньурба оройуонун салалтатын көрдөһүүтүнэн, Ньурба оройуонугар «Марха» совхоз главнай экономиһынан ыытыллыбыта.

1972 сыллаахха кэскиллээх специалист быһыытынан, ССРС Наукаларын Академиятын Сибиирдээҕи отделенииетын Саха сиринээҕи филиалын аспирантуратыгар үөрэххэ ыытыллыбыта. Аспирантураны бутэрэн, 1976—1992 сс. бастаан младшай, кэлин старшай научнай сотруднигынан Саха сиринээҕи научнай киинин экономикаҕа отделыгар, онтон экономика институтугар улэлээбитэ. Манна улэлии сылдьан 1989 сыллаахха «Рациональное использование природных кормовых угодий Центральной Якутии» диэн тиэмэҕэ диссертацияны көмүскээн экономическай наука кандидата буолбута.

1992 — 1996 сс. маҥнай тэриллибит Хотугу сир аҕыйах ахсааннаах норуоттарын проблемаларын институтугар старшай научнай сотруднигынан үлэлээбитэ. 1996 сылтн Саха Республикатын айылҕа харыстабылын институтугар биологическай ресурсаларга Департаменын главнай специалиһынан улэлии сылдьар.