Попов Гаврил Петрович
Попов Гаврил Петрович - Аҕа дойду Улуу сэриитин кыттыылааҕа, сэрииттэн ыстаарсай лейтенант сыбаанньалаах эргиллибит, разведчиктар взводтарын хамандыыра[1].
Нам I Хомустаах нэһилиэгин киинэ Кыһыл Сыыртан 4 килэмиэтирдээх Арыы Тииккэ олохтоох Күрбэлэр диэн ааттаах ыал улахан уоллара. Сэрии иннинэ "Үүнэр салаа" колхуос суотчутунан үлэлээбит. Бырааттара Роман сылгыһыт, оттон Никита тутууга үлэлиир эбит. Гаврил сэриигэ бастакы хомуурга барбыт. Бырааттара 1942 с. күһүнүгэр борохуотунан Граф Биэрэгиттэн фроҥҥа барар 400-кэ аты арыаллаан айаннаабыттар. Ол иннинэ сэриигэ барыахтаах аттары бэлэмнээһиҥҥэ сылдьыбыттар.
Гаврил 1943 сыллаахха Днепр таһынааҕы госпитальга аатырбыт Дьоруой Поповтуун көрсөн хаартыскаҕа түспүттэрэ баар эбит.
Роман 1943 с., оттон Никита 1942 с. өлбүттэрин туһунан биллэрии кэлбит. 1945 сыл сайыныгар Гаврил төннөн кэлэригэр төрөппүттэрэ суох буолбуттар. Гаврил Дьокуускайга милиисийэлээбит, биллэр Гаврил Десяткинныын бииргэ үлэлээбит.
Быһаарыылар[уларыт | биики-тиэкиһи уларытыы]
- ↑ Үс бырааттыы буойун Поповтар, С.С. Колесов, Нам, I Хомустаах, "Кыым", 2010.07.22