Пономарев Герасим Иванович (1794)

Пономарев Герасим Иванович (1794—?) — 1820-с сылларга Саха сириттэн Камчааткаҕа сүөһү иитиитин тэрийдин диэн көһөрүллүбүт саха киһитэ.

Уола Иван Герасимович (1824—1862) 1854 сыллаахха Петропавловскай пуордун 1853—1856 сс. Кырыым сэриитин кэмигэр Англия уонна Франция байыаннай хараабылларыттан көмүскүүр кэмҥэ Авача сэлиэнньэҕэ блокадаҕа сыппыт, ол иһин Георгиевскэй лиэнтэлээх боруонса мэтээлинэн наҕараадаламмыт.

Иван Герасимович хос сиэннэрэ Николай Иннокентьевич (1917 с.т.) уонна Иван Иннокентьевич (1926 с.т.) Аҕа дойду Улуу сэриитин кыттыылаахтара буолбуттара, Николай Иннокентьевич Кыһыл Сулус уордьанынан, "Москубаны көмүскээһин иһин", "Бойобуой үтүөлэрин иһин", "Хорсунун иһин", "Варшаваны босхолооһун иһин", "Кенигсберги ылыы иһин" мэтээллэринэн, оттон быраата "Бойобуой үтүөлэрин иһин" мэтээлинэн наҕараадаламмыттара. Кинилэр тастыҥ убайдара Михаил Александрович Пономарев (1912 с.т.) Курил десантнай эпэрээһийэтин кыттыылааҕа, Шумшу арыыны дьоппуоннартан босхолооһун кэмигэр 1945 сыллаахха атырдьах ыйын 18 күнүгэр кыргыһыыга өлбүт.