Покровскай гербэтэ
Саха Өрөспүүбүлүкэтин Хаҥалас улууһун "Покровскай куорат" олохтоох тэриллии гербэтэ — бу олохтоох тэриллии биир дьоһун бэлиэтэ буолар.
Дьүһүнэ
[уларыт | биики-тиэкиһи уларытыы]Герб халлаан күөх өҥнөөх долгуннуу уһуктаах классическай французскай щит көрүҥнээх. Щит икки аҥы арахсыбыт. Үөһээ үрүҥ өҥнөөх хонуу ортотугар сэттэ лабаалаах хаар кыырпаҕа ойууламмыт, аллараа — үс долгун. Долгуннаах хонуутун ойуута гербэ үрдүгүттэн 1/4 ылар. Щит, хаар кыырпаҕа уонна долгуннар кыһыл көмүс тулалааһыннаахтар.[1]
Ытык бэлиэ олоҕо
[уларыт | биики-тиэкиһи уларытыы]- Халлаан күөҕэ өҥнөөх долгуннаах уһуга улуу Өлүөнэ эбэни кэрэһилиир.
- Өлүөнэ эбэ үрдүнэн сэттэ лабаалаах халлаан күөҕэ өҥнөөх хаар кыырпаҕа уруһуйдаммыт. Историяҕа олоҕуран, Покровскай куорат турар сирэ Эргис диэн үрүҥ ойуун дойдута эбит.
- Хаар кыырпаҕын лабааларын ахсаана сэттэ буолбута — сэттэ саха омугар ытык ахсаан буоларын туоһута.
- Сэттэ лабаалаах хаар кыырпаҕа Покровскай куорат историятын, кини Покров күн — маҥнайгы хаар түһүүтүнэ — төрүттэммитин көрдөрөр.[1]
Гербэ ааптара
[уларыт | биики-тиэкиһи уларытыы]- Келин Анатолий Романович — Саха Сирин худуоһунньуктарын айар Түмсүүлэрин чилиэнэ.