Петров Гаврил Спиридонович

Бикипиэдьийэ диэн сиртэн ылыллыбыт

Петров Гаврил Спиридонович 1912 сыл олунньу 17 күнүгэр Ньурба улууһун Чуукаар нэһилиэгин бастакы үөрэхтээхтэриттэн биирдэстэрэрэ. Кини бастакы коллективнай хаһаайыстыбаны тэрийииттэн саҕалаан, саҥа демократическай уопсастыбаҕа диэри олох үөһүгэр сылдьан тэрийсибит, нэһилиэк социальнай- экономическай сайдыытыгар улахан үтүөлээх ытык киһи.

Кини төрөөбүт- үөскээбит Чуукаарын кэнэҕэски кэскилин, эдэр ыччаты үөрэххэ, кэрэҕэ угуйбут, олоххо үктэнэллэригэр бөҕө-таҕа далаһа уурсубут, холобур туттар киһибит. Кини айылҕаттан айдарыылаах учуутал, иитээччи, үрдүккэ дьулуһар ураты дьоҕурдаах, талба талааннаах, олус чиэһинэй, утуо санаалаах, үрдүк культуралаах, мындыр өйдөөх, дьон убаастабылын ылыан ылбыт киһи этэ.

Петров Г. С. кэргэнинээн Мария Николаевналыын тоҕус оҕону төрөтөн, 19 сиэннэнэн, 26 хос сиэннэнэн 59 сыл бииргэ дьоллоохтук олорбуттара. Оҕолоро бары уөрэхтээх улэһит буолан республика араас улуустарыгар олороллор.

Олоҕун олуктара[уларыт | куодун уларытыы]

Үөрэҕэ суохтары үөрэтии, таҥара үөрэҕин, кулаактары утары, дьиэттэн хотону араарыы кинитэ суох барбат этилэр. 1913-35сс. II Малдьаҕар сэттэ кылаастаах оскуолатын үөрэнэн бутэрэн баран, Дьокуускайдааҕы пединститут бэлэмниир курсун бутэрбитэ. 1936 сылга убайдарын агитациялаан Сардаҥаҕа «Марскай» колхоһу тэрийбитэ. 1937 сылтан бэйэтин олоҕун оскуолаҕа анаабыт. Куочай начальнай оскуолатыгар, II Хаҥалас начальнай оскуолатыгар сэбиэдиссэйинэн, Өҥөлдьө, Чуукаар оскуолаларыгар учууталынан, 1942 с. муус устар 25 күнүттэн РОНО инспекторынан, Араҥастаах детдомугар иитээччинэн, учууталынан, Чуукаар оскуолатыгар учууталынан, 1943-1946 сс., 1948—1950 сылларга сэбиэдиссэйинэн улэлээбитэ. Чуукаарга 1950-1951 сс. саҥа оскуоланы туттаран бастакы директорынан үлэлээбитэ. 1952-1953 сс. Маай начальнай оскуолатыгар сэбиэдиссэйдээбитэ, 2-4 кылаастаах саҥа оскуоланы туттарбыта. 1954—1956 сс. Чуукаарга «Калинин» колхозка оҕуруот аһын үүннэрээччилэр биригээдэлэригэр биригэдьиирдээбитэ. 1956—1961 сс. Чуукаар оскуолатыгар учууталынан, 1961-63сс. Чуукаар государственнай интернатыгар сэбиэдиссэйинэн, 1963-65 сс. Чуукаар сельсоветыгар председателинэн быыбарданан үлэлээбитэ.

1965 с. интернат сэбиэдиссэйинэн, онтон иитээччиннэн үлэлээбитэ. 1969 с. пенсияҕа тахсан да баран таптыыр үлэтиттэн букатыннаахтык уурайбакка интернакка иитээччинэн, нянянан үлэлээбитэ.

1940 сылтан ССКП чилиэнэ Г. С. Петров олоххо активнай позициятын хаһан да ыһыктыбатаҕа. Партийнай тэрилтэ солбуллубат секретара буолара.

Наҕараадалара[уларыт | куодун уларытыы]

Өр сыллаах үлэтин бэлиэтээн Чуукаар оскуолатын, нэһилиэгин, II Хаҥалас оскуолатын Бочуот кинигэтигэр киллэриллибитэ.

  • Ньурба улууһун Бочуоттаах гражданина. Элбэх грамотанан наҕараадаламмыта
  • « За трудовое отличие»
  • «За доблестный труд и ВОВ. 1941-45гг.»
  • «Үлэ ветерана» диэн хас да мэтээллэрдээх",
  • «Учууталлар учууталлара» диэн бэлиэлээх.

Г. С. Петров 97 сааhыгар тиийэн олоҕун 2008 сылга түмүктээбитэ.

Төрөөбүт норуотун ыччата киһи-хара буоларыгар, сайдарыгар олоҕун анаабыт улахан учуутал, норуокка биллэринэн, Бөтүрүөп учуутал олорбут олоҕо, үлэтэ- хамнаһа умнуллубат.