Пестерев Владимир Ильич

Бикипиэдьийэ диэн сиртэн ылыллыбыт

Пестерев Владимир Ильич (1952.11.04) - саха прозаига, очеркист. 1994 сылтан РФ СС (Суруйааччылар Союзтарын) чилиэнэ. Устуоруйа билимин кандидата. Ньуучча тылынан суруйар.

Томпо улууһугар төрөөбүтэ. 1972 сыллаахха Омскай гражданскай авиация летнай училищетын бүтэрбитэ. Сүүрбэ сыл устата Баатаҕай авиапредприятийэтин пилота этэ. Көтөр ааллар уонна бөртөлүөттэр араас көрүҥнэрин салайара. Уопсайа оһоло суох уон тыһыынчаттан тахса чааһы көппүт. Ол кэннэ Транспорт уонна ситим министерствотыгар үлэлээбитэ, онтон 1994 сыл тохсунньутуттан Саха Өрөспүүбүлүкэтин Салалтатыгар консультант-эксперт буолар.

1974 сылтан бэчээттэнэн саҕалыыр. Кини очерктара уонна ыстатыйалара улуустааҕы, өрөспүүбүлүкэтээҕи уонна киин хаһыаттарга, "Хотугу сулус" сурунаалга тахсыбыттара. "Летчик Отто Кальвица" диэн бастакы документальнай сэһэнин 1989 сыллаахха таһаарар. Кини сүрүн интириэһэ - биллэ илик архивнай докумуоннары булан ылан, онно олоҕуран төрөөбүт дойду устуоруйатын туһунан айымньылары суруйуу.

Кинигэлэр[уларыт | биики-тиэкиһи уларытыы]

  • Летчик Отто Кальвица. Докум. повесть. - Якутск, 1989.
  • Аэропланы над землей Саха. Том.1. - Якутск, 1993.
  • Исторические миниатюры о Якутии. - Якутск, 1993.

Сигэлэр[уларыт | биики-тиэкиһи уларытыы]