Павлов Анатолий Николаевич

Павлов Анатолий Николаевич (Дабыл) — биллиилээх суруналыыс, СӨ култууратын үтүөлээх үлэһитэ, СӨ үөрэхтээһинин туйгуна. Айыы Үөрэҕин түһэ.

Олоҕун олуктара

1954 с. сэтинньи 19 күнүгэр Үөһээ Бүлүү улууһугар төрөөбүтэ. Үөһээ Бүлүү лесхоһугар оробуочайынан үлэлээбитэ. СГУ Историко-филологичиескай факультетын 1988 с. бүтэрбитэ. Бүлүү, Дьокуускай оскуолаларыгар учууталлаабыта.

1991 сыллаахтан "Кэскил" хаһыат кыраайы үөрэтиигэ салаатын эрэдээктэрэ. «Кэскил» («Юность Севера») хаһыаттар редакцияларыгар салаа сэбиэдиссэйэ.

Өй-санаа уларыйар, дьон-сэргэ өрө көтөҕүллэр кэмин баттаһа саха култууратын, итэҕэлин сөргүтүү, тарҕатыы үлэтигэр күүскэ үлэлэспитэ, Айыы итэҕэлин түсчүтэ, «Кут-сүр» уопсастыбаннай тэрилтэ бас-көс дьонуттан биирдэстэрэ буолбута.

«Кэскил» хаһыакка үлэлиир сылларыгар итэҕэл курдук тыын суолталаах өйдөбүлү оҕоҕо өйдөнүмтүөтүк, судургутук иҥэрэр, өйдөтөр сыаллаах «Арчы» рубриканы саҕалаабыта.

Ону сэргэ Анатолий Николаевич 2019 сылтан көлүөнэлэр солбуйсалларыгар ситим быстыбатын, эдэр, аҕа саастаах дьон хардарыта өйөһөллөрүн туһугар утумнааһын үлэтин саҕалаабыта, суолун ыйан, хайысхалаан биэрбитэ. Кэлиҥҥи сылларга «Саҥ тардыы» видео-уруоктары бэлэмнээбитэ. Тэҥҥэ төрүттэспит «Айыы Кыһата» национальнай гимназияҕа, Өрөспүүбүлүкэ лиссиэйигэр төрүт култуура учууталынан үлэлээн, үүнэр көлүөнэ ыччакка саха дьиҥнээх, төрүт өйдөбүллэрин иҥэрэргэ, Айыы итэҕэлин үөрэтэргэ үгүс сыратын, кыһамньытын анаабыта. «Ыйдарынан туомнар», «Айыы киһитэ (төрүт үгэһи үөрэтэргэ көмө)», «Айыы санаа кыһата» кинигэлэр ааптардара, үгүс таһаарыылар, төрүт култуура учебниктарын хос ааптардарын быһыытынан үлэлэспитэ.

"Кэскил" эрэдээксийэ некрологуттан:

Киһи быһыытынан аламаҕай, көрсүө майгытынан, киэҥ билиитинэн-көрүүтүнэн өрүү сүбэ-соргу, өйөбүл-тирэх буола сылдьара.

2026 сыл атырдьах ыйын 19 күнүгэр Дьокуускайга өлбүтэ.

Кинигэлэрэ уонна ыстатыйалара

• Попов Г. В., Павлов А.Н. Суолталаах докумуон : Революция иннинээҕи либеральнай реформа итэҕэлгэ сыһыана // Саха сирэ. - 1998. - Атырдьах ыйын 27 к. - С. 8.

Наҕараадалара уонна ытык ааттара

• Саха Өрөспүүбүлүкэтин култууратын үтүөлээх үлэһитэ