Олимпия куорат

Бикипиэдьийэ диэн сиртэн ылыллыбыт
Перейти к навигации Перейти к поиску

Оли́мпия (гир. Αρχαία Ολυμπία) — Гириэсийэ Элида уобалаһын былыргы куората, Пелопоннес хотугулуу-арҕаа өттүгэр, Алфей өрүс уонна кини Кладеон диэн салаатын икки ардыгар сытар.

Былыргы дьоно неолит кэминээҕи саҕаттан бааллара. Афина куораттан 311 км арҕаалыы, 90 км Патртан соҕуруу уонна 21 км Пиргостан илин туһаайыынан баар. Олимпия куоракка былыргы Олимпийскай Оонньуулар төрүттэммит эбиттэр. Бу оонньуулар түөрт сыл буола буола тохтобула суох 1200 сыл курдук ыытыллыбыттар. Биһиги эрабыт 4 үйэтигэр (426 c.) христианскай Рим императора Феодосий I бу куораты уоттаппыт эбит.

2012 сыл ыам ыйын 8 күнүттэн бу куорат Дьокуускай куорат доҕордуу куората буолар.