Окоемов Пётр Иванович

Окоемов Петр Иванович 1957 сыллаахха атырдьах ыйын 12 кунугэр Уус-Алдан Бэрт-Ууhун нэhилиэгэр Чирэпчигэ тɵрɵɵбʏт. Оскуоланы 1975 сыллаахха Мʏрʏ нэhилиэгэр бʏтэрбит. Оскуолаҕа ʏɵрэнэ сылдьан ʏчʏгэй тренердарга тʏбэhэн, кʏʏстээх базаны ылбыт,ол курдук Кэптэнигэ ʏɵрэнэр кэммэр Дьячковскай Григорий Константиновичкэ, Мʏрʏгэ ʏɵрэнэр кэмигэр Румянцев Василий Васильевичкэ, Слепцов Владимир Пантелеймоновичкэ эрчиллибит, кинилэр спорт эйгэтигэр угуйбуттара. Онтон сиэттэрэн 1979-1981 сылларга ЯПУ-га спорт ɵттʏнэн ʏɵрэммит, ол кэмнэ Бурляев Иван Алексеевичкэ республика старшай тренерыгар эрчиллибит. Улахан марафон (42 км 195 м) Саха сиригэр 1979 сылтан ыытылыбыта. Онно I-кы, II-с марафону убаастыыр убайа, чугас доҕоро Уус-Алдан Тандатын чулуу уола, Заболоцкай Анатолий Михайлович кыайбыта. 1980 сыллаахха II-с марафонна кыттан IV-с миэстэ буолбут. 1981 сыллаахха 30 км Республика сʏʏрʏʏгэ чемпионатыгар кыттан эмиэ IV-с буолбут. 1ч 41м 27с кɵдɵрʏʏлээх кэлэн. 1981 сыл кʏhʏн Улахан марафонна 2ч 31м 51с кɵрдɵрʏʏлээх кэлэн Чемпион ʏрдʏк аатын ылбыт. Ити сылларга Уус-Алдан хамаандата марафонна икки кубогы ылан, спорт эйгэтигэр букатыннаахтыы ɵйдɵбʏлгэ хаалбыта. Убаайдарыгар, доҕотторугар сʏʏрʏʏгэ угуйбут Улуу сʏʏрʏʏктэргэ Слепцов Владимир Пантелеймоновичкэ, Заболоцкай Анатолий Михайловичкэ махтала муңура суох. Ити сылларга Саха сирин сʏʏрʏʏтʏн сборнайыгар киирэн Улан-Удэ, Иркутскай, Омскай, Гагарино (Смолкенскай уобалас) куораттарыгар бэйэтин кыаҕынан кыттыбыт. Сʏʏрʏʏттэн менискэтин ɵлɵрɵн, операциялатан эрдэ тохтообут. Дуобакка сʏʏрэн бʏтэн баран дьарыктанан саҕалаабыт. Уус-Алдан аатыттан республика элбэх турнирдарыгар кыттан ʏрдʏк ситиhиилэри, кыайыылары аҕала сылдьыбыт. Улахан ситиhиитэ Красноярскай кыраай полуфиналын ааhан, Нижнэй - Новгородка Россия финалыгар 7-с миэстэ буолбутут, ити дьыл Волгоград куоракка I-е Всероссийские летние сельские спортивные игры кыттан I-ы миэстэ буолбут. 1996 сыллаахха Россия финалыгар 16 киhи иhигэр киирэн кыттыыны ылбыт. Финалга 8 былырыынны миэстэлэспит уонна 8 полуфиналлары ааспыт дуобаччыттар кытталлар этэ. Билигин даҕаны улууhун чиэhин наада буоллаҕына кɵмʏскʏʏ сылдьар Дуобакка ситиhиилэригэр улахан кылааттарын оройуон кʏʏстээх дуобаччыта Бурнашев Юрий Алексеевич, онтон кэлин республика старшай тренерэ Азаров Александр Гаврильевич киллэрбиттэрэ.