Никифорова Надежда Митрофановна
Никифорова Надежда Митрофановна (1931 с.). РСФСР норуотун үөрэҕириитин туйгуна. Саха АССР оскуолаларын үтүөлээх учуутала.
Олоҕун олуктара
[уларыт | биики-тиэкиһи уларытыы]1931 с. төрөөбүтэ. Сиэйэ сэттэ кылаастаах оскуолатын , Бүлүүтээҕи педагогическай училищены ситиһиилээхтик бүтэрбитэ. Учуутал идэтин ылан, бастаан Бүлүү оройуонугар алын кылаас учууталынан үлэлээбитэ. 1954 сыллаахха Благовещенскай куоракка пединституту бүтэрэн, төрөөбүт оройуонугар эргиллэн, Элгээйи орто оскуолатыгар 40-ча сыл тохтоло суох үлэлээбитэ. Географ учуутал үөрэтэр үлэтин ыччаты төрөөбүт кыраайы таптыырга, араас туристическай айаннары тэрийэн, айылҕаны харыстыырга систиэмэлээх үлэни ыыппыта, нэһилиэккэ бастакы географическай площадка, оскуолаҕа бастайааннайдык үлэлиир туристическай куруһуок үлэлээбитэ. Надежда Митрофановна «ССРС Туриһа» диэн бэлиэнэн наҕараадаламмыта, ССРС Географическай обществотын дьиҥнээх чилиэнинэн быыбардаммыта. Саха Өрөспүүбүлүкэтин биллиилээх географтара С.Е. Мостаховтыын, В.Л. Сенькинниин өрөспүүбүлүкэ устун үөрэнээччилэри үөрэтэр-сайыннарар, биллэрэр сыаллаах айаннарын сыллата тэрийсибитэ. 1976 с. Москваҕа Аан дойду Географическай Обществотын конгреһыгар кыттыбыта, онтон Ленинградка Бүтүн Сойуустааҕы географтар түмсүүлэригэр Саха сирин географтарын үлэлэрин опытын туһунан дакылаат аахпыта. Ноосфернай-экологическай үөрэтии ньымалара диэн методическай үлэтэ географ-учууталларга күннэтэ туттуллар пособиенан буолла.[1]
Наҕараадалара уонна ытык ааттара
[уларыт | биики-тиэкиһи уларытыы]- РСФСР норуотун үөрэҕириитин туйгуна.
- Саха АССР үтүөлээх учуутала.
- “Саха Өрөспүүбүлүкэтин учууталларын учуутала» бэлиэ.
Суруйуулара, кинигэлэрэ
[уларыт | биики-тиэкиһи уларытыы]Никифорова Н. М., Учуутал - олоххо саамай туһалаах идэ. [ахтыы] - : , //Забота-Арчы. . - 2020. - Ахсынньы 21 күнэ-С. 21;
Кини туһунан
[уларыт | биики-тиэкиһи уларытыы]Сказ о славной сельской учительнице. [Об отличнике народного образования РСФСР, заслуженном учителе РС (Я), учителе Эльгяйской средней школы Надежде Митрофановне Никифоровой] - : , //Сунтаар сонуннара. . - 2006. - Балаҕан ыйын 5 күнэ-С.3;
Сигэлэр
[уларыт | биики-тиэкиһи уларытыы]- ↑ Кыайыыны, эйэлээх олоҕу уһансыбыттара: Сунтаар улууһун бочуоттаах уонна үтүөлээх үлэһит дьоно / хомуйан оҥордо Н.Н. Спиридонов; редколлегия: Т.Н. Иванова уо.д.а. – Дьокуускай: Чопчу, 2020. – Х с.