Мыреев Егор Иванович

Мыреев Егор Иванович
Төрөөбүт күнэ	1920({{padleft:1920|4|0}})
Төрөөбүт сирэ	Бэтинчэ, Ленскэй улууһа, Саха уобалаһа
Өлбүт күнэ	10 олунньу 1942({{padleft:1942|4|0}}-{{padleft:2|2|0}}-{{padleft:10|2|0}})
Сулууспалаабыт дойдута	ССРС ССРС
Сулууспалаабыт сыллара	1941—1942
Солото	Старшай сержант Старший сержант
Чааһа	213-с СП
Кыргыһыылар/сэриилэр	Аҕа дойду Улуу сэриитэ
Наҕараадалара

Мыреев Егор Иванович (1920, Бэтинчэ, Ленскэй улууһа, Саха уобалаһа — 10.02.1942) — Саха тыйаатырын артыыһа, Аҕа дойду Улуу сэриитин кыттыылааҕа, 213-с СП (56-с СД) бэргэн ытааччыта. Кыдыйбыт өстөөх саллааттарын ахсаана, бигэргэтиллибитинэн, — 65. Старшай сержант.

Олоҕун олуктара

1920 сыллаахха Бэтинчэҕэ төрөөбүт. 1937 сыллаахха толорута суох орто оскуоланы бүтэрбит. Оскуола кэнниттэн Дьокуускайга рыбнай техникумҥа үөрэххэ киирбит. Техникумҥа үөрэнэ сылдьан, доҕотторун сүбэлэринэн, Саха тыйатаырын иһинэн студияҕа дьарыктаммыт. Олоҥхоҕо Уот Уһутаакыны уонна Айыы Дьураҕастайы толорбут, гастролга сылдьыбыт. Тыйаатыр кырдьаҕас артыыстара ахталларынан, киһитинэн олус сытыы, бэрт көрүдьүөс эбитэ үһү. 1940 сыл сайыныгар тыйаатыр салалтата Егор Мыреевы А. Н. Островскай аатынан Ленинградтааҕы театральнай институтка 32 киһ ахсааныгар үөрэттэрэ ыыппыт. Ленинградка 1940 сыл күһүнүгэр тиийэн, Е. К. Лепковскаяҕа, А. И. Авербухха, Л. Ф. Макаровка о. д. а. үөрэммит. Саха ыччаттара куорака, тыатыгар даҕаны үгүстүк кэнсиэртииллэр эбит. Устуудьуйа ыстаарыһатынан Исай Попов диэн Сунтаар уола эбит, оттон айар өттүн баһылыыр-көһүлүүр киһилэрэ Гоша Мыреев эбит.

1941 сыл от ыйыгар Ленинград уобалаһын Дзержинскэй оройуонун военкоматынан Кыһыл Аармыйаҕа ыҥырыллыбыт. От ыйын 12 күнүттэн Порхов-Псков туһайыы диэки, Пулково анныгар кыргыһыыларга 213 полка 56-с дивизиятын састаабыгар кыттыбыт. Ахтыылартан көрдөххө хорсун разведчик эбит. Бэргэн ытааччылар ыккардыларыгар куоталаһыы хамсааһынын биир саҕалааччылара буолбута. Бөлөх тэрийэн бэргэн ытааччылары үөрэппит. Сэриилэһэ сылдьан быыс буллар эрэ сахалыы ылыы, бэл ойууннаан, этюдтары толортоон көрдөртүүр эбит.

Сэриилэһэ сылдьан Пулково чугаһыгар хаҥас санныгар улаханнык бааһыран госпитальга түөрт ый устата эмтэммит. Онтон тус бэйэтэ дьулуһуан 1942 сыл тохсунньу 22 күнүгэр Красный Бор оройуонугар иккистээн сэриигэ киирбит. Бу да сырыыга разведкаҕа сылдьыталыыр, снайпердар хамсааһыннарын салгыы тэрийэр. Бу кэмҥэ командование Ленин уордьанынан наҕараадалыыр туһунан көрдөһүү түһэрэр, кэлин Кыһыл Сулус уордьанынан наҕараадалаабыттар да, ону ылбакка өлөр.

1942 сыллаахха олунньу 10 күнүгэр Ижорскай завод көмүскээһинигэр Колпино куорат таһыгар өлбүт.

Колпино (Ленинград уобалаһа) кылабыыһатыгар көмүллүбүт.

Өлбүтүн кэннэ, 1942 сыл олунньу 22 күнүнээҕи бирикээһинэн, Кыһыл Сулус уордьанынан наҕараадаламмыт (наҕараада лииһигэр олоҕуран, Ленин уордьаныгар түһэриллибит).

Аймахтара

Егор Мыреев баҕарбыт баҕатын ситэрэн, кини балта, Мыреева Татьяна Ивановна тыйаатыр артыыһа буолбута, Саха Өрөспүүбүлүкэтин үтүөлээх артыыһа аатын ылбыта.

Үйэлээх аата

• Егор Мыреев аата Бэтинчэ оскуолатыгар, уулуссатыгар иҥэриллибит.
• Колпино куоракка (Ленинград уобалаһа) обелиск туруоруллубут, Ленинград көмүскэлигэр өлбүт байыастар ааттара көмүс бичигинэн быһыллыбыт, олор быыстарыгар Егор Мыреев аата баар.
• Бэтинчэ ытык киһитэ.

Сигэлэр

• Советские стрелки-снайперы в Великой Отечественной войне
• С. П. Черепанов. Его именем названа школа: Легендарный снайпер Егор Мыреев // SakhaPress.Ru. — 27.01.2013.
• С. П. Черепанов. Его именем названа школа: Легендарный снайпер Егор Мыреев (окончание) // SakhaPress.Ru. — 31.01.2013.