Местников Касьян Иванович
Местников Касьян Иванович - Иккис Аан дойду сэриитин кэмигэр Германияны уонна Японияны кытта сэриилэр кыттыылаахтара.
Олоҕун олуктара
[уларыт | биики-тиэкиһи уларытыы]1925 с. олунньу 29 кунугэр Чурапчы оруойонун Бахсы нэhилиэгэр төрөөбүт. 1932с. нэhилиэк Мэҥэ-Хаҥалас оройуонун Дойдуунускай нэhилиэгэ буолбут.
Касьян Иванович 1933-1936с. Дойдуунускай алын сүһүөх оскуолатыгар үөрэммит. 1936 с. "Кыhыл Майаак" холкуос чилиэнэ буолбут. 1937-1940 с. Мэлдьэхси ситэтэ суох орто оскуолатыгар үөрэммит.
1942 с. балаҕан ыйын 6 күнүттэн тохсунньу 15 күнүгэр диэри Төхтүр сельПО-гар кассыырынан уонна соҕотуопка сиэктэринэн улэлээбит. 1942с. ыам ыйын 1 күнүттэн Мэҥэ- Хаҥалас оройуонун БСК(б)П РК техсэкирэтээринэн уонна суотчутунан үлэҕэ киирбит.
1943 с. ыам ыйын 20 күнүгэр Аҕа дойдутун көмүскүү сэриигэ барбыт. Мотострелковай полк 3-с батальон 8-с ротатыгар стрелок-рядовоуйнан сулуспалаабыт. 1944с. олунньу 23 күнүгэр бирисээгэ биэрбит. 1947с. муус устар 4 күнүгэр 28-с мотострелковай полк сапер-подрывнига, 1947с. бэс ыйын 11 күнүгэр 141-с тааҥка полкатын иккис батальонун бууска иитээччитэ буолбут. Бойобуой сырыылара 1945с. алтынньы 1 күнүгэр - "Хорсунун иhин", 1946с. ыам ыйын 9 күнүгэр - "Японияны Кыайыы иhин", 1946с. от ыйын 23 күнүгэр И.В.Сталин мэтээллэринэн бэлиэтэммит.
372-дээх бирикээскэ олоҕуран Хинган хайатын туорааhын иhин Махтал сурук туттарыллыбыт. 1948с. тохсунньу 13 күнүгэр Кыhыл Аарымыйа кэккэтиттэн демобилизацияламмыт.
1948с. муус устар 1 күнүгэр төрөөбүт дойдутугар эргиллэн кэлэн, мясомолпром салаатынан үөрэнэн, маастар-арыыhыт, буҕаалтыр, технолог идэлэммит, 1976с. диэри ситиhиилээхтик үлэлээбитэ. 1976с. соhумардык олохтон туораабыта. Ситиhиилээх үлэтинэн элбэх наҕараадалары туппута: 1952 с. Саха сирин главмаслопромун Бочуотун кинигэтигэр киллэриллибит.