Малардыров Михаил Петрович

Бикипиэдьийэ диэн сиртэн ылыллыбыт
Перейти к навигации Перейти к поиску

Малардыров Михаил Петровичхапсаҕайга САССР спордун маастара.

1927 с. Тамалакаан нэһилиэгэр төрөөбүтэ. Бүлүү педучилищетын бүтэрэн Үөһээ Бүлүү оскуолатыгар физкультура учууталынан үлэлээбит. Дэгиттэр талааннаах спортсмен буолан, кылгас спортивнай биографиятыгар чаҕылхай ситиһиилэммитэ. Ол курдук; штанганы көтөҕүүгэ – 3, хайыһарга, ытыыга – 2, көҥүл тустууга – 1 разрядтааҕа. Өссө гимнастиканан, акробатиканан, гиирэ спордунан утумнаахтык дьарыктаммыта. 1952 с. профсоюзтар республикатааҕы спартакиадаларыгар 25 км велосипедынан сырсыыга чемпионнаабыта уонна волейболга учууталлар хамаандаларыгар оонньоон эмиэ бастаабыта. 1955 с. республикаҕа 70 кг ыйааһыҥҥа хапсаҕайга 2-с миэстэни ылбыта. 1956 с. хапсаҕайдьыт Малардыров республикаҕа 3-с миэстэлэммитэ. 1957 с. республикатааҕы профсоюзтар спартакиадаларыгар 15 киһини хотон чемпион аатын ылбыта. Үөрүү-көтүү үктэллэнэн чемпион уол Ленинградка тренердэр оскуолаларыгар үөрэнэ барбыта[1].


Быһаарыылар[уларыт | биики-тиэкиһи уларытыы]

  1. Үөһээ Бүлүү өҥ буоруттан... / СР «Үөһээ Бүлүү» (оройуона) муниц. тэриллии дьаһалтата, Үөһээ Бүлүүтээҕи кыраайы үөрэтэр салаата [хомуйан оҥордулар : О.Д.Федорова, Г.А.Саввинова]. – Дьокуускай, 2012. – С. – 190-215