Макаров Дмитрий Степанович

Бикипиэдьийэ диэн сиртэн ылыллыбыт
Перейти к навигации Перейти к поиску

Макаров Дмитрий Степанович (1917—1994), философия билимнэрин кандидата.

Олоҕун олуктара[уларыт | биики-тиэкиһи уларытыы]

1917 сыл балаҕан ыйын 4 күнүгэр Чурапчы улууһун Сылаҥ нэһилиэгэр төрөөбүтэ.


Д. С. Макаров биографиятыттан[уларыт | биики-тиэкиһи уларытыы]

Философ 1917 с. балаҕан ыйын 4 күнүгэр юиэс оҕолоох, үөрэҕэ суох Степан Васильевич Макаровтаах диэн ыалга төрөөбүтэ. Кыаммат-түгэммэт ыаллар уоллара аҕатын көҥүллээһининэн 10 саастааҕар оскуолаҕа үөрэнэ киирбитэ. Кылаастан кылааһы тулуппакка дабаййан, Чурапчытааҕы педучилищены туйгуннук бүтэрэн, велосипедынан наҕараадаламмыта.

Оройуон үэрэҕин салаатын инспектора буолбут киһи велосипедынан нэһилиэк оскуолаларын кэрийтэлээн улэ бөҕотүн ыытарын кырдьаҕастар соторутааҕыта диэри иһирэхтик кэпсээн оҥостор этилэр.

Дьокуускайдааҕы пединститукка студенныы сылдьан Аҕа дойдуну көмүскүүр Улуу сэриигэ ыҥырыллан барбыта. Ураллааҕы байыаннай уокурук байыаннай-политическай уонна Сорочинскай куоракка баар зенитнэй-пулеметнай училищеларыгар аналлаах курстары “туйгуннук” бүтэртээн, дьиҥнээх байыаннай специалист, офицер буолбута. Стрелковай рота командирын солбуйаааччытынан, зенитнэй-пулеметнай взвод командирынан уоттаах сэрии Польшаҕа бүтүөр диэри кыргыспыта.

1946 с. сэрииттэн төннөөт, пединституту эмиэ туйгуннук үэрэнэн бүтэрбитэ. Фҕыс сыл кэриҥэ партия уобаластааҕы комитетыгар лектордаан Саха сирин уһаты-туора сыыйбыта. Онтон Үрдүкү партийнай оскуола аспирантуратыгар (оччотооҕуга 4 сыллаах этэ) кандидатскай дессертациятын көмүскээбитэ. Ону бүгүҥҥү хараҕынан көрөн аахтаххына даҕаны таһымнаахтык суруллубут үлэ эбит диэн астынаҕын. Ити кэмтэн 30-ча сыл тохтоло суох университекка элбэх көлүөнэ студеннары үөрэппитэ. Философия тус-туспа салааларыгар, диалектическай уонна историческай материализмҥа, философия историятыгар уонна атеизмҥа. Лекциялара хайаатар да уратыллах буолаллар этэ: дириҥнэринэн, киһи болҕомтотун тардалларынан. Үөрэтэригэр мэлдьи чэбэрдик, чочуонайдык туттан-хаптан кэлээччи, уҥуохтаах, ыаммат сэбэрэтэ кинини муостан чочуллубут курдук оҥороро, оттон ойоҕуһуттан улуу французскай философ Д. Дидрону санатара…[1]

Сигэлэр[уларыт | биики-тиэкиһи уларытыы]

  • Макаров Д. С. Избранные труды. — Дьокуускай: «Сайдам», 2009.
  • Философ Дмитрий Степанович МАКАРОВ (Воспоминания). - с. Чурапча: "Сахаполиграфиздат", 1994. - 48 с.


  1. Философ Дмитрий Степанович МАКАРОВ (воспоминания) - Чурапчы : Сахаполигрфиздат, 1994. - 3 с.