Лебёдкина Елена Андреевна
Лебёдкина Елена Андреевна — суруналыыс, Россия суруналыыстарын Түмсүүтүн 1970 сылтан чилиэнэ, араадьыйа уонна тэлэбиидэнньийэ туйгуна. Саха дьаталларыттан тэлэбиидэнньийэҕэ үлэлээбит бастакы суруналыыс. Саха сирин суруналыыстарыттан бастакыннан бүтүн Сойуус экраныгар «Радость тундры» диэн бэйэтин бырагыраамматын таһаарбыта.
Таатта норуодунай театрын ансаамбылын туһунан «Доҕордоһуу — Дружба», дьоруой Федор Попов туһунан «Навечно в памяти народной», марафонецтар дьиэ кэргэннэрэ Кириллиннэр туһунан уонна да атын киинэ очеркалары устубута.
1994 сыллаахха Оҕо Дыбарыаһыгар оҕолорго аналлаах «Эдэр суруналыыс» оскуолатын тэрийбитэ.
«В памяти веков» диэн бэйэтин өбүгэлэрин туһунан нууччалыы тылынан тахсыбыт кинигэлээх. Бу кинигэҕэ Сүрдээх Дүпсүн уонна Халан Тулааһын аҕа уустарын тустарынан суруллар.
- В памяти веков, «Бичик», Дьокуускай, ISBN 5-7696-1246-0