Лахаатта, көтөр
Лахаатта эбэтэр кииллэни, (лат. Crex crex, нууч. коростель эбэтэр нууч. дергач) — дьоҕус, уһун моойдоох, кылгас кутуруктаах, туһугар уһун атахтардаах көтөр.
Уопсай өҥө саһархайдыҥы-күкээркэй. Буҕарҕанатааҕар кылгас тумустаах. Ыйааһына ортотунан 150 г. Атахтарын сараадыппытынан, кэннин түһэрбитинэн, кылгас кынаттарынан эрэйинэн сапсынан олус салаҥнык уонна ыараханнык көтөн тахсар. Маннык көтөр Соҕуруу Африкаҕа хайдах айаннаан тиийэрин дьиктиргиэххэ эрэ сөп. Лахаатта Европаҕа бүтүннүүтүгэр тарҕаммыт. Азияҕа Бүлүүгэ тиийэ көстөр. Кыһынын Африкаҕа уонна Соҕуруу Азияҕа кыстыыр.
Лахаатта ыам ыйыгар көтөн кэлэр уонна атырдьах, балаҕан ыйдарыгар төннөр. Бу көтөрү олус сэдэхтик көрүөххэ сөп. Кини олус сатабыллаахтык саһар даҕаны, олус улахан хаахынас куолаһынан баарын биллэрэр. Лахаатта үөнүнэн, чиэрбэнэн, от сыатынан аһылыктанар. Сиргэ уйаланар, 7-12 сымыыты уурар. Сэдэх көтөр буолан норуоттар икки ардыларынааҕы Кыһыл кинигэҕэ киллэриллэн турар.
Сигэлэр
[уларыт | биики-тиэкиһи уларытыы]
|
Бу көтөргө сыһыаннаах сиппэтэх ыстатыйа. Көннөрөн уонна эбэн көмөлөһүөххүн сөп. |