Кыттааччы ырытыыта:Софронеева Тамара

Василий Семенович Яковлев — Далан айымньыта Дьикти саас: Сэһэн. — Дьокуускай, 1978.

айымньыттан цитаталар: Английскай тыл биһиги оскуолабытыгар быйыл сана киирбитэ, учуутала быйыл саҥа кэлбитэ. Людмила Сергеевна нуучча икки саха икки ардынан хааннааҕа, сахалыы олуттаҕастык саҥарара. Муус маҥан сирэйин ыас хара баттах хаймыылаан өссө маҥхатара. Кип-киэҥ, харалаабыт моонньоҕон курдук хараҕар киһи бу диэн сатаан эппэт туох эрэ тюрдуу баара. Кырыылаах көнө мунна, тэтэркэй чараас уоһа, күөкэйбит уһун моонньо, таҥаһа- саба — барыта “Мода” эбэтэр “Экран” сурунаалларга элбэхтик бэчээттэнэр дьахталлар мэтириэттэрин санатара. Тиэтэйэн буолбакка, бэйэтэ түргэн саҥалааҕа, нарын имигэс хамсаныылааҕа. Олус эдэр, олус үчүгэй этэ.

Кылаас сэргии түһэр, кэпсэтии уурайар. Суруйан иһэр уруучукалар тохтууллар, умса түспүт төбөлөр көнөллөр. Бары Людмила Сергеевнаны көрөллөр.

Тахсымаары торгуйдаһан көрүөхпүн, бэйэни дьоһуннаахтык туттар санаа кыайда.

Үчүгэй да кыыс! Барахсаны...

Биһиги кылааспытын дьиссипилиинэлээх кылаастар ахсааннарыгар киллэрбэттэр этэ.

Эмиэ албынныыгын, эмиэ биэрэҕин, хайдах хайдаҕый? — Анна Ивановна өйдөөбөт, өйдөөбөтүттэн кыйаханар.

Кыргыттар төһө да итэҕэйбэтэхтэрин иһин, Руслан кырдьыгы эппитэ.

Итини барытын ситимнээн үчүгэйдик кэпсиир киһи, баҕар, ылыныахтара, туох эмэ тахсыа эбитэ буолуо, ону биһиэхэ барытын сааһылаан кэпсиир киһи суоҕа.

Оскуолам суолугар халдьаайым анныгар Ньургуһун тахсыбыт, нуоҕайа хамсаабыт.

Мин төһөлөөхтүк эҥин араас санаалаах бу суолунан ааһыталаабытым буолуой уон сыл устата! Үчүгэй сыананы ылан, каникулга бараары санаам көтөҕүллэн.

Аллаах ат туйаҕа Хабыллар, чаҕыллар Хаппыт суол буоругар. Муус маҥан атынан Бу киммит ойутар? Гассаннаах обургулар!

Саҥата суох олорбутум буоллар, талыллыа суох этим, үксүгэр бэйэбинэн киирэн биэрэбин.

Балтым ийэбин хайдах уҕарытарын билэр. Төрүт да кыйахыа суох баар этэ. Чэйдээн бүтэбит.

Итиитик, истинник санаһар Ийэлээх аҕаккам барахсан...

Аҕам-ийэм холбоһоллоругар таптал баара эбитэ буолуо дуо? Саарбаҕалыыбын. Сыһыаннара биир эриэ-дэхси буолара. Кыыһырсыбаттар да, эйэргэспэттэр да. Ийэм мөхтөҕүнэ, аҕам саҥарбат этэ. Саҥарбат киһини төһө өр мөҥүөҥүй?

Биһиги кылааспыт уолаттарын кытта мин көрүдүөр уһугар турабын. Испэр Айтаны кэтэһэбин да, бүгүн хойутаата, биллибэт.

Мин санаабар, дьон бары икки суолга хайдаллар: кинигэни ааҕааччылар уонна аахпаттар. Айта маҥнайгыларга киирэр. Ол иһин хара бастакыттан тапсыбыппыт.

Оттон Толя Айтаны кытта букатын атыннык кэпсэтэрэ.

Кыргыттар саҥаларыттан кулгааҕым Айтаны араара охсор.

Таһырдьа тахсар, дьаакырдаах ыарахан ааны аһан, Айтаны бастаттым. Биһиги, таһырдьа тахсаат, харахпытын чарапчылана түспүппүт. Олус да сырдык!

Экзамен чугаһаата, мин экзаментан олуус-олус куттанабын, бэлэмнэниэххэ бириэмэ суох — араас зачеттар, контрольнай үлэлэр, сочинениелар.

Оскуолаттан кэлиэхпиттэн миигин икки суол хайыта тыыппыта: сочинениебын салгыыбын дуу, киинэҕэ барабын дуу.

Мин Ваня диэки ыйытардыы көрдүм, онуоха киһим кыра быраата тахсан киирбитин ыраастыы туран, тугу да хардарбата, умса көрөн кэбистэ.

Соччолооҕу туһамматым дии санаатым төннөн иһэн. Арааһа, сыыстым: бөһүөлэк саамай саҥата суох киһититтэн саҕалаатым.

Биһиги уонна председатель Поповтаах төһө да биир араспаанньалаах буолларбыт, төһө да биир нэһилиэккэ олордорбут, аймахтыы буолбатах этибит. --Софронеева Тамара (ырытыы) 14:45, 30 Кулун тутар 2018 (UTC)