Кыттааччы ырытыыта:Надежда Егорова
Цистит. Хабах ыарыыта.[биики-тиэкиһи уларытыы]
Хабах сүһүрүүтүн сүрүн төрүөтүнэн тоҥуу, урогенитальнай инфекцияны хабыы, сиэри таһынан сылдьыһыы буолуон сөп. Ону таһынан киһи бэйэтигэр баар инфекциялара (кишечнай палочка, стафилококк, стрептококк уо.д.а.) уһуктууларын түмүгэр көбөн кэлиэн сөп. Циститтээтэххинэ сотору-сотору хабаҕырбыт курдук буолаҕын, ардыгар кыра-кыратык ииктиигин, ардыгар олох да кураанах буолар. Аны ииктиир сириҥ аһыйар, иһиҥ түгэҕэ ыалдьар, иигиҥ хааннаах буолар.
==ЭМТЭНИИТЭ.== Быраас бактериялары суох гынар эмтэри, УВЧ, физиотерапияны, ионофореһы аныан сөп. Онуоха ыарыһах арыгыттан аккаастанара, элбэх ууну иһэрэ, үүт-үүнээйи аһылыгы аһааһына туһалаах буолуоҕа.
ХАЙДАХ ХАРЫСТАНЫАХХА СӨБҮЙ?[биики-тиэкиһи уларытыы]
Дьон ордук сайыҥҥы өттүгэр халлаан итиитигэр балыйтаран сыыстарар. Онон уутттан тахсан баран сөтүөлээбит таҥаһы хайаан да уларыттар ордук. Өҥүрүк да куйааска сиргэ олорортон туттунуҥ, сир хаһан баҕарар сииктээх буолар. Халлаан сөрүүдүйдэ даҕаны таҥаскытын көрүнүҥ: мини-юбканы, аһаҕас атах таҥаһын кэтимэҥ. Урукку өттүгэр циститтии сылдьыбыт эбит буоллаххытына, ыһаарыламмыт, сытыытык тууһаммыт-тумаламмыт астартан, арыгыттан туттунуҥ. Хроническай ыарыларгытын (ангинаны, тонзиллиты, кариеһы уо.д.а) эмтэниҥ. Олорон эрэ үлэлиир буоллаххытына, чаас аайы туран 10-чалыы мүнүүтэ хамсаныҥ. Тоҥноххутуна ыалдьыбат курдук отто (уулаах эбэтэр уҥуохтаах отон сэбирдэҕин) оргутан иһиҥ. Бэлэмнээтэ Айталина Платонова. туьаммыт литератуура ДАЛБАР ХОТУН һурунаалтан. Надежда Егорова (ырытыы) 10:07, 19 Ахсынньы 2017 (UTC)