Кыттааччы:Дьулус Алексеев

Бикипиэдьийэ диэн сиртэн ылыллыбыт

Простатит[уларыт | биики-тиэкиһи уларытыы]

Аман былчархай сүһүрүү ыарыыта

Простатит кимнээҕи «сөбүлүүрүй»?[уларыт | биики-тиэкиһи уларытыы]

Онон, олорон эрэ үлэлээх эр дьон сүрүн ыарыыларынан простатит буолар эбит.

Простатит ордук кими буларый?

  • дизайнердары;
  • программистары;
  • офиска үлэлиир менеджердэри;
  • ыраах айаҥҥа сылдьар суоппардары.

Өссө «көмөлөһөллөр»[уларыт | биики-тиэкиһи уларытыы]

Простатит үөскүүрүгэр хламидия, гонорея, сифилис курдук сылдьыһыыттан үөскүүр сыстыганнаах ыарыылар эбии-сабыы буолаллар. Эр киһи кэмит­тэн-кэмигэр ииктээбэккэ сылдьара эмиэ доруобуйаҕа улахан буортулаах.

«Арай, эмтэммэтэхпинэ?..»[уларыт | биики-тиэкиһи уларытыы]

Эр дьоннор: «Арай, эмтэммэтэхпинэ?..», – диэн боппуруоһу бэйэлэригэр туруоруналлар. Онуоха исписэлиистэр биир халбаҥнаабат эппиэттээхтэр – ыарыы ааһан-араҕан биэрбэт (хроническай) турукка тириэрдэр. Ол содула өссө ыарахан. Ааһан-араҕан биэрбэт простатит оҕо үөскээбэт буолуутугар тириэрдэр: сперматозоидтар ситэ сайдыбаттар уонна ситэри кыахтарынан үлэлээбэт буолаллар, сиэмэ ааһар «боротуохалара» сабыллаллар.

Эмтиир төһө ыараханый?[уларыт | биики-тиэкиһи уларытыы]

Төһө уһуннук ыалдьыбыккыттан уонна ыалдьар кэмҥэр туох уларыйыылар тахсыбыттарыттан тутулуктаах. Онон, ханнык да түгэҥҥэ эмтэнэр наадалаах. Ону сэргэ ууһуур уорганнарга хаан эргиирин тупсарар, ньиэрбэ систиэмэтин чөлүгэр түһэрэр, сиэкистиир кыаҕы күүһүрдэр, сыстыганнаах процесстары аҕыйатар аналлаах үүнээйи анал препараттарын туһаныахха сөп.

Таҕылы ханнарыы уонна простатит[уларыт | биики-тиэкиһи уларытыы]

Таҕылы ханнарыы уонна простатит туох сибээстээҕин билэр туһалаах. Аман былчархайа – эр киһи либидота оҥоһулларыгар көхтөөхтүк кыттар уорган. Ону таһынан таас уҥуоҕун аллараа өттүгэр баар простата тестостерон таһымын бэрээдэктиир. Сиэкистииртэн туттунуу эбэтэр төттөрүтүн сиэри таһынан үлүһүйүү простата туругар араастык дьайаллар.

Онон «простатит» диэн быһаарыллыбыт ыарыылаах киһи таҕылын ханнарара ыарыы хаамыытыттан тутулуктаах:

Сытыытык биллэрэр простатикка быраастар нэдиэлэҕэ биирдэ эрэ сылдьыһарга сүбэлииллэр.

– Ааһан-араҕан биэрбэт ыарыыга кубулуйбут (хроническай) простатикка, ордук ремиссия кэмигэр, нэдиэлэҕэ 2-3 сылдьыһары көҥүллүүллэр.

Онтон эр киһи простатита сыстыганнаах айылҕалаах буоллаҕына, сиэкис кэмигэр контрацептивтары туһанар ордук. Бу сылдьыһар кэрэ аҥаар доруобуйатын харыстыыр.

Туох да диэбит иһин, эр дьон хааннара оонньоон, онтон иҥнэн турбат дьон буолуохтара. Ол иһин исписэлиистэр простатит хайа баҕарар көрүҥэр саатар биирдэ сылдьыһары көҥүллээн эрдэхтэрэ. Өссө этэллэр ээ: кыайан сылдьыһар кыаҕа суох буоллаххына, мастурбацияланыахха сөп диэн (сиэкискэ тохтобул аҕыйах эрэ күн буолбут буоллаҕына, мастурбация туох да буортуну аҕалбат).

Хаһан буортулааҕый?[уларыт | биики-тиэкиһи уларытыы]

Күҥҥэ хаста да сылдьыһар буоллахха! Маннык ноҕуруускаҕа аман былчархайа иһэн хаалыан сөп. Простата туругар ситэри салҕамматах сиэкис куһаҕаннык дьайар. Сылдьыһыы бу көрүҥүн хат буолартан туттунар дьахталлар «ирдииллэр», онон эякуляция кэмигэр эбэтэр буола илигинэ эр киһи сиэкистээн бүтэргэ күһэллэр.

Простаталаах киһи олох сылдьыспата ордук буортулаах. Эр киһи баҕарбытын кэннэ хаан таас уҥуоҕун уорганнарыгар ыга анньыллар. Онон туттунуу простата бэлиэлэрин дириҥэтэр уонна ыарыыны уустугурдар харгытааһыҥҥа тириэрдэр.

Сиэкиһи аман былчархайы толору илбийии солбуйуон сөп дииллэр.

Экспертэр олох уһунугар ханнык чахчылар дьайалларын быһаарбыттар. Онуоха:

  • социальнай-экэнэмиичэскэй усулуобуйалар – (37%);
  • олох укулаата (табахтааһын, арыгылааһын) – 33%;
  • доруобуйа харыстабылын үлэтэ 30% ылаллар.

Биир тылынан эттэххэ олохпут хаачыстыбата уонна уһуна үс гыммыт иккитэ бэйэбититтэн уонна доруобуйа харыстабылыттан тутулуктаах.

Тус гигиена[уларыт | биики-тиэкиһи уларытыы]

Ыраас, чэбир буолуу доруобуйа сүрүн биричиинэтэ буоларын туһунан этилиннэ ини, этиллибэтэ ини? Ааспат ыарыыга кубулуйбут эбэтэр сытыытык киирэр простатиттаах киһи сиэкистииригэр ыраас буолуу саамай суолталаах. Гигиена нуормаларын тутуспатахха, салгыы сыыстаран, ыарыы атын уорганнары сүһүрдүөн сөп.

* * *

Онон, оҕо-уруу тэнитэр аналлаах эр дьоммут доруобуйаларыгар болҕомтону олох кыра эрдэхтэриттэн ууралларыгар итиэннэ эр киһи уонна дьахтар икки ардыгар харыстабыллаах сыһыан баһыйарыгар баҕарыаҕыҥ. Оччоҕо араас кубулҕаттаах да, кутталлаах да ыарыылар биһигини ырааҕынан тумнуо, орто дойдуга доруобай эрэ оҕолор кэлиэ этилэр.

Туттуллубут литература[уларыт | биики-тиэкиһи уларытыы]

http://www.edersaas.ru/prostatit-er-ki-i-kuttallaah-yaryyta/