Кырынаас
Кырынаас (лат. Mustela erminea) — Солоҥдотуҥулар кэргэннэригэр киирэр тириитэ күндүтүк сыаналанар кыыл.
Тас көрүҥэ
[уларыт | биики-тиэкиһи уларытыы]Уһун эттээх-сииннээх, кылгас атахтаах, уһун моойдоох, үс муннуктуҥу төбөлөөх, оччо улахана суох төгүрүктүҥү кулгаахтаах кыра сиэмэх кыыл. Атыырын этин-сиинин уһуна — 17—38 см (тыһыта икки төгүл кэриҥэ кыра буолар), кутуругун уһуна 35 % кэриҥэ — 6—12 см; ыйааһына — 70-тан 260 г дылы. Муҥурга майгынныыр, ол гынан баран кинитээҕэр бөдөҥ.
Өҥө саһарга аналлаах — кыһын үп-үрүҥ, сайын тириитигэр икки өҥнөөх — үөһээ өттө хоҥордуҥу кытархай, аллараа өттө (түөһэ, иһэ, атахтарын ис өттө саһархай маҥан.
Тайҕаҕа, ойуурдаах истиэптэргэ (лесостепь), туундараҕа элбэхтик тарҕанан олорор.