Кулин, Айше

Бикипиэдьийэ диэн сиртэн ылыллыбыт

Кулин, Айше

Айше Кулин(Ayse Kulin төр.1941 с.атырдьах ыйын 26 күнүгэр Стамбулга Турция) - туурак дьахтара. Прозаик, новеллист уонна сценарист. Кулин, 1941 с. Стамбулга төрөөбүт. Аҕата - Боснияттан төрүттээх, Мухиттин Кулин, Стамбул бастакы инженер-тутааччыларыттан биирдэстэрэ, Судаарыстыбаннай гидравлическай собуоту(DSI) олохтообут уонна ити собуот бастакы дириэктэринэн үлэлээбит киһи. Ийэтэ - Ситаре Ханым черкеска, Осман импиэрийэтин экэниэмикэтин миниистирин сиэнэ. Кулин, Стамбулга, кыргыттар үөрэнэр Америка кэллиэһин бүтэрбитэ. 1984 с.кэпсээннэрин бастакы хомуурунньугун таһаарбыта. Gulizar диэн кэпсээнинэн, 1986 с. "Kirik Bebek" диэн ааттаах киинэ уһуллубута. Ити киинэ сценарийын иһин, культура уонна туризм Министиэристибэтиттэн наҕараада ылбыта. Кулин элбэх киинэлэр, телесериаллар уонна эрэкилээмэ роликтарын сценариһа, кинематографиһа, продюсера буолбута. 1986 с. Ayasli ve Kiracilari телесериалга үлэтин иһин, тыйаатыр суруйааччыларын Ассоциациятыттан "Лучший кинематографист" бириэмийэни ылбыта. 1996 с. Bir tatli Huzur диэн ааттаан Мунир Нуреттин Сельчук биографиятын суруйбута. Foto Saban Resimleri диэн кэпсээнинэн эмиэ, ол сыл "Приз Haldun Taner Short Story", аныгыскы сылыгар "Sait Falk Short Story Award" бириистэри ылбыта. 1997 с. Стамбулга сибээс факультета киниэхэ, Ада Айлин биографическай арамаанын иһин "Писатель года" ааты иҥэрбитэ. 1998 с.итинник наҕарааданы Гениш Заманлар кэпсээнин иһин ылбыта. 1999 с.сэтинньигэ, боснияҕа буолбут сэрии туһунан "Севдалинка" диэн арамааны суруйбута. Ол кэнниттэн, 2000 с. "Фюрейя" диэн биографическай арамааны суруйан бүтэрбитэ. 2001 с.бэс ыйыгар Турция илиҥҥи провинцияларыгар республика эрдэтээҥҥи устуоруйатын хайдах оҥорбуттарын дырааматын туһунан "Kopru" диэн арамаанын таһаарбыта. 2002 с. ыам ыйыгар, Nefes Nefes'е диэн, турция дипломаттара, Иккис Аан дойду сэриитигэр, Холокост дьэбириэйдэрин быыһабыттарын туһунан арамааны суруйбута. Айше Кулин иккитэ ыал буола сылдьыбыт. "Хаят" уонна "Хюзюн" арамааннара кини кэргэттэрэ Мехмет Сарперы уонна Эрен Камалины(иккиэннэринээн арахсыбыт) кытта олоҕун кэпсииллэр. Иккитэ кэргэн тахса сылдьыбытыттан 4 уол оҕолордоох. https://en.m.wikipedia.org/wiki/Ay%C5%9Fe_Kulin https://ru.qwe.wiki/wiki/Ay%C5%9Fe_Kulin https://fem-books.livejournal.com/858515.html